სოფლის მეურნეობა
"მიწების გაყიდვა უსისხლო ანექსიაა“- ირინა ფხოველიშვილი პრეზიდენტის განცხადებას ეხმაურება
საქართველოს პრეზიდენტი გიორგი მარგველაშვილი უცხოელებზე მიწის გასხვისების მკვეთრად აკრძალვას არ ეთანხმება. აღნიშნულ საკითხზე მან გუშინ ფერმერებთან შეხვედრისას ისაუბრა.
-„იყიდება საქართველო“- ამ პათეტიკით ჩაიწერა კონსტიტუციაში, რომ მიწა არ უნდა გაიყიდოს. ამ უშინაარსო და პრანჭია ფრაზის ჩაწერით ჩვენ სოფლის მეურნეობას სირთულე შევუქმენით. ახლა უნდა ვიფიქროთ ამ მიღებული კონსტიტუციის პირობებში, რანაირად შევამციროთ ის ზიანი, რომელიც ჩვენ მივაყენეთ ამა თუ იმ სექტორს. ხელოვნურად მიწის ფასი დავაგდეთ, რადგან უცხოელებს ავუკრძალეთ მიწის ყიდვა. აი ეს უნდა იქნას კომპენსირებული რაღაც ფორმით.“- აღნიშნა პრეზიდენტმა.

პრეზიდენტის ამ განცხადებას გამოეხმაურა საქართველოს ფერმერთა და სოფლის მეურნეობის მუშაკთა პროფესიული კავშირის პრეზიდენტი ირინა ფოხველშვილი.

„მან ძალიან არადამაჯერებლად განაცხადა, რომ თუ არ გაიყიდება მიწები, ეკონომიკა ჩამოიშლება. ეს არგუმენტი ჩემთვის მიუღებელია, რადგანაც ვთვლი, რომ ქვეყნის ტერიტორიების გაყიდვა, არის უსისხლო ანექსია. თუ ჩვენ ევროკავშირისკენ ვისწრაფვით, გადახედონ როგორ იცავენ ისინი თავიანთ ტერიტორიებს და რამდენად ძლიერი შეზღუდვებია იქ.
გიორგი მარგველაშვილის ამ განცხადებით გაბრაზებულმა და გულნატკენმა საკმაოდ მწარე სტატუსი სოციალურ ქსელშიც გამოვაქვეყნე. სწორედ პრეზიდენტის ინტერესებში უნდა შედიოდეს ქვეყნის ტერიტორიების დაცვა. ქვეყანას რომელსაც, დაუცველი საზღვარი აქვს, არ უნდა იყოს მომართული მიწების გაყიდვაზე. ვერცერთმა სამინისტრომ ვერ წარმოადგინა ანგარიში, თუ რამდენი ეკონომიკური სარგებელი მიიღო ქვეყანამ მიწების გასხვისებით. ის ვინც „უსისხლო ანექსიას“ უწყობს ხელს, ჩემთვის მიუღებელია, თუნდაც პრეზიდენტი.“- აღნიშნა მან  speqtri.ge-სთან.

ირინა ფხოველიშვილის თქმითვე, ჩანაწერი კონსტიტუციაში, რომლის მიხედვითაც, მიწაზე საკუთრების უფლება მხოლოდ საქართველოს მოქალაქეს აქვს, მნიშვნელოვნად მაინც არაფერს ცვლის.

„წნორში და ვაქირში, რამდენიმე გლეხი ხნავდა მიწას. იცოდნენ, რომ ეს ადგილი იჯარით მათ სარგებლობაში იყო, მაგრამ დღეს, როდესაც მივიდნენ, იქ უკვე დახვდათ წარწერა, რომ მიწა ვიღაც უცხოურ კომპანიას ეკუთვნის. ოფიციალურად არ არსებობს ინფორმაცია, რამდენი ჰექტარია გასხვისებული. რამდენჯერმე მივმართეთ პრეზიდენტს, შევხვედრილიყავით და გვესაუბრა ამ საკითხებზე.
გუშინ მხოლოდ ფერმერთა ასოციციაციის მიერ შერჩეულ ადამიანებს შეხვდა. სამწუხაროდ, მან ჩვენთვის ვერ მოიცალა. როგორც ვხედავთ, კონსტიტუციაში ჩანაწერი არ ნიშნავს საქმის დამთავრებას. მთავრობაში არიან ადამიანები, რომლებიც ყველაფერს ცდილობენ, რომ ქართული მიწები გაიყიდოს. ჩვენ ვიბრძლებთ იმისთვის, რომ ასე არ მოხდეს. თუ საჭირო გახდება, დავიწყებთ იმ ადამიანების მხილებას, ვინც ადგილობრივი მოსახლეობის ყოფა-ცხოვრების გაუმჯობესების ნაცვლად ხელს უწყობს მიწების გასხვისებას.

უნდა გაძლიერდეს სოფელი, მიხედონ გადამამუშავებელ საწარმოებს, მრეწველობას, გლეხს არ უნდა ჰქონდეს იმაზე ფიქრის დრო, სად მოახდინოს პროდუქტის რეალიზაცია. ამ პრობლემის მოგვარებაზე უნდა იმუშაოს მთელმა სამთავრობო გუნდმა და არა იმაზე, რა ცვლილება შეიტანონ ორგანულ კანონში ისეთი, რომ მიწა ვიღაცას მიჰყიდონ“- ამბობს ირინა ფხოველიშვილი.

უნდა გასხვისდეს თუ არა ქართული მიწა უცხოელებზე- speqtri.ge-მ ამ კითხვით გურჯაანში მოქალაქეები შემთხვევითი შეჩევის პრინციპით გამოკითხა. იხილეთ გამოკითხვის შედეგები:

ხათუნა ბაბუხაძე- ვფიქრობ, არ უნდა გასხვისდეს. უმჯობესი იქნება ქართველის მფლობელობაში იყოს. მაგრამ, ბევრი იმიტომ ჰყიდის მიწას, თვითონ არ შეუძლია დამუშავება.

ელისო დოლენჯაშვილი- ჩემი აზრით არ უნდა გასხვისდეს.

ელგუჯა პიტიურიშვილი- არ უნდა გაიყიდოს, ჯერ ისედაც რა ტერიტორია გვაქვს და ახლა ეგეც გავყიდოთ?!

ნანა ზირაქაშვილი- ამას კითხვა უნდა? არ უნდა გასხვისდეს.

მარიამ ხანდამაშვილი- ჩვენი ქვეყნის მიწები სხვის ხელში არ უნდა ჩავარდეს. ვეწინააღმდეგები უცხოელებზე გაყიდვას.

ლერი მანიჟაშვილი- არ უნდა გასხვისდეს, ყველაფერს თუ გავყიდით ჩვენს მომავალ თაობას რაღა დარჩება?! მაგრამ ზოგს ისე უჭირს,ამას ყურადღებას აღარ აქცევს და ჰყიდის.






Print E-mail
FaceBook Twitter Google
თეგები მიწა /
ამავე კატეგორიაში
სახელმწიფო წელს რთველის სუბსიდირებას აღარ განახორციელებს, ვინაიდან
სახელმწიფოს ჩართულობის საჭიროება აღარ არსებობს, – ამის შესახებ
გარემოს დაცვისა და სოფლის მეურნეობის მინისტრმა, ლევან დავითაშვილმა
განაცხადა.
სახელმწიფო წელს რთველის სუბსიდირებას აღარ განახორციელებს, ვინაიდან სახელმწიფოს ჩართულობის საჭიროება აღარ არსებობს, – ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა განაცხადა.
16:13 / 26.07.2018
წელს კახეთში რთველი დროზე ადრე დაიწყება. გავრცელებული ინფორმაციით
ყურძნის მცირე მოსავალსაც ელოდებიან, მიზეზი კი სხვადასხვა
დაავადებაა, რომელიც კლიმატურმა პირობებმა გამოიწვია.
წელს კახეთში რთველი დროზე ადრე დაიწყება. გავრცელებული ინფორმაციით ყურძნის მცირე მოსავალსაც ელოდებიან, მიზეზი კი სხვადასხვა დაავადებაა, რომელიც კლიმატურმა პირობებმა გამოიწვია.
14:32 / 19.07.2018
საქართველოს გარემოსდაცვისა და სოფლის მეურნეობის სამინისტროს
რეგიონებთან ურთიერთობის დეპარტამენტის ხელმძღვანელის შალვა
კერესელიძის ინფორმაციით, ამ დროის მონაცემებით კახეთიდან ექსპორტზე
800 ტონამდე ატამია გატანილი.
საქართველოს გარემოსდაცვისა და სოფლის მეურნეობის სამინისტროს რეგიონებთან ურთიერთობის დეპარტამენტის ხელმძღვანელის შალვა კერესელიძის ინფორმაციით, ამ დროის მონაცემებით კახეთიდან ექსპორტზე 800 ტონამდე ატამია გატანილი.
18:19 / 27.06.2018
სურსათის ეროვნული სააგენტოს მცენარეთა დაცვის სპეციალისტები
აღმოსავლეთ საქართველოში კალიების საწინააღმდეგო ღონისძიებებს
ატარებენ.
სურსათის ეროვნული სააგენტოს მცენარეთა დაცვის სპეციალისტები აღმოსავლეთ საქართველოში კალიების საწინააღმდეგო ღონისძიებებს ატარებენ.
14:29 / 11.06.2018
იაპონიის ქალაქ უცუნომიაში (ტოტიგის პრეფექტურის ადმინისტრაციული
ცენტრი) ქართული ღვინის დეგუსტაცია-სემინარი გაიმართა.
იაპონიის ქალაქ უცუნომიაში (ტოტიგის პრეფექტურის ადმინისტრაციული ცენტრი) ქართული ღვინის დეგუსტაცია-სემინარი გაიმართა.
15:07 / 08.06.2018
სხვა ამბები
ხვალ 11 აგვისტოს სოფელ კალაურში მინი ფეხბურთში აგვისტოს ომის გმირის ალექსი ნატროშვილის სახელობის ტურნირი გაიმართება.
16:00 / 10-08-2018
საქართველოს განათლებისა და მეცნიერების მინისტრის ბრძანებით ზოგადსაგანმანათლებლო დაწესებულებაში სასწავლო წლის დაწყების თარიღად 15 სექტემბერი, ხოლო დასრულების თარიღად - 15 ივნისი განისაზღვრა.
18:02 / 30-07-2018
გურჯაანის დავით ყიფიანის სახელობის სტადიონზე აფხაზეთის ნაკრებსა და გურჯაანის „ალაზანს“ შორის ამხანაგური შეხვედრა გაიმართა.
13:43 / 27-07-2018
ქალაქ ყვარელში ე.წ. აღდგომის ეკლესიას კულტურული მემკვიდრეობის უძრავი ძეგლის სტატუსი მიენიჭა. უწყების ინფორმაციით, XVIII-XIX სს-ის ეკლესია დარბაზულია (10,7×6,8 მ) და რიყის ქვით არის ნაგები.
12:41 / 26-07-2018
ოპერისა და ბალეტის თეატრის სოლისტი, ყოფილი ბალერონი 84 წლის გივი ტაბახმელაშვილი უკვე რამდენიმე წელია გურჯაანის თოჯინების თეატრში მოღვაწეობს. ამჟამად ის სამხატვრო ხელმძღვანელია.
12:22 / 16-07-2018
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი
«« აგვისტო 2018 »»
3031 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.