სასოფლო-სამეურნეო კოოპერატივების განვითარების სააგენტო რძის
მწარმოებელი სასოფლო-სამეურნეო კოოპერატივების მხარდამჭერ სახელმწიფო
პროგრამაში რეგისტრაციას იწყებს.
ვებ-გვერდზე
www.acda.gov.ge რეგისტრაცია 25 იანვრიდან 1 მარტამდე
იწარმოებს.
გარემოს დაცვისა და სოფლის მეურნეობის სამინისტროს ინფორმაციით,
სახელმწიფო პროგრამა მოიცავს მსხვილფეხა და წვრილფეხა რქოსანი
პირუტყვის (თხა, ცხვარი) დარგის კოოპერატივების ხელშეწყობას.
სახელმწიფო პროგრამით გათვალისწინებული კრიტერიუმების დაკმაყოფილების
შემთხვევაში მესაქონლეობის სასოფლო-სამეურნეო კოოპერატივებს გადაეცემა
სხვადასხვა სიმძლავრის რძის მიმღებ-გადამამუშავებელი აღჭურვილობა და
ნედლი რძის კონტროლის საველე ლაბორატორიული ხელსაწყოები.
თუ კოოპერატივის ან/და მის მეპაიეების საკუთრებაშია არანაკლებ 200
სული თხა(ნეზვი), მას გადაეცემა 12 ადგილიანი საწველი და ყველის
დამამზადებელი რძის საწარმოო აღჭურვილობა.
სახელმწიფო პროგრამაში ჩართული კოოპერატივის ვალდებულებას წარმოადგენს
საწარმოს შენობა-ნაგებობის აშენება, რომელშიც განთავსდა კაპიტალური
ინვესტირების ფარგლებში გადასაცემი დანადგარები.
მეცხვარეობის კოოპერატივებს თანადაფინანსებით ღირებულების 30%-ად,
მობილური ტიპის 24 ადგილიანი საწველი აღჭურვილობის გადაეცემა, თუ
კოპერატივსან/და მის მეპაიე(ებ)ს საკუთრებაში გააჩნიათ არანაკლებ 2000
სული ცხვარი (ნერბი).
პროგრამაში ჩართულობით სასოფლო-სამეურნეო კოოპერატივებს საშუალება
ეძლევათ მოახდინონ რძის მიღება სტანდარტების დაცვით. რაც ხელს
შეუწყობს საწარმოო ციკლის გაზრდით კოოპერატივების მეპაიეების
შემოსავლების ზრდას.
მასალის გამოყენების პირობები