სურსათის ეროვნული სააგენტოს ინფორმაციით, დღეს, 6 მაისის
მონაცემებით, კახეთის რეგიონში ფუნქციონირებს 1 აგრარული ბაზარი
თელავში და 2 საბითუმო ბაზარი ლაგოდეხის რაიონის სოფელ კაბალში.
სავაჭრო ობიექტებში თერმოსკრინინგი და დაცულია უსაფრთხოების სხვა
ზომები.
„ კორონავირუსის გავრცელების პრევენციის მიზნით შემუშავებული
რეკომენდაციების შესაბამისად, სავაჭრო ობიექტის შესასვლელში
მობილიზებულია პერსონალი, რომელიც უზუნველყოფს ბაზრის ტერიტორიაზე
შემავალი ავტომობილების დეზინფექციას. ტარდება თერმოსკრინინგი და
ადმინისტრაცია უზრუნველყოფს დისტანციის დაცვას,“ - აღნიშნავენ
სააგენტოში.
დაანონენსებული იყო, რომ 5 მაისს უნდა გახსნილიყო წნორის ბაზარიც,
თუმცა ამ დროისთვის არ ფუნქციონირებს. კახეთის რეგიონში
აგრარული ბაზრები, კორონავირუსის შესაძლო გავრცელების პრევენციის
მიზნით 5 აპრილიდან დაიხურა.
ჯერჯერობით უცნობია, როდის შეძლებს დანარჩენი ბაზრები მუშაობის
განახლებას.
მასალის გამოყენების პირობები