სოფლის მეურნეობის სამინისტროს ინფორმაციით, აგროდიზელით ხელშეწყობის პროგრამა 2021 წლის ბოლომდე გაგრძელდა. პროგრამის ფარგლებში ფასდაკლების ბარათების მიღება დისტანციურად იქნება შესაძლებელი.
რეგისტრაცია პირველ თებერვალს დაიწყება, ხოლო ფასდაკლების ბარათების გააქტიურება 7 თებერვლიდან მოხდება. პროგრამის ბენეფიციარი ვებგვერდზე https://my.mepa.gov.ge რეგისტრაციის შემდეგ მიიღებს ბარათს, რომლის წარდგენის შემდეგ, „სოკარ ჯორჯია პეტროლიუმის“ ბენზინგასამართ სადგურზე აგროდიზელის შეღავათიან ფასად აღებას შეძლებს.

1 ჰექტარზე 150 ლიტრა, ხოლო 100 ჰა-ზე მეტი სასოფლო-სამეურნეო დანიშნულების მიწის ნაკვეთზე, არაუმეტეს, 15, 000 ლიტრის საწვავის ბარათი გაიცემა. ფერმერებს აგროდიზელის ფასდაკლების ბარათების მიღება შეუძლიათ, სოფლის განვითარების სააგენტოს რეგიონულ სამსახურებში, ხოლო აჭარის ავტონომიურ რესპუბლიკაში - მუნიციპალურ ცენტრებში.