კახეთში მოსახლეობის 15%-ია აცრილი - რატომ არ ენდობა მოსახლეობა ვაქცინაციას [Video]
20:53 / 04.11.2021
კახეთი კვლავ რჩება საქართველოში ერთ-ერთ მოწინავე რეგიონად
კოვიდინფიცირებულთა რაოდენობის მიხედვით. ბოლო 24 საათის განმავლობაში
რეგიონში 530 ახალი შემთხვევა დაფიქსირდა. ამ მაჩვენებლით თბილისისა
და იმერეთის შემდეგ კახეთი მესამე ადგილზეა.
რაც შეეხება ვაქცინაციას, რეგიონში მოსახლეობის მხოლოდ 15 პროცენტია
აცრილი. ამ თვალსაზრისით ქვემო ქართლი (10%) და სამცხე ჯავახეთი (13%)
ჩამოგვრჩება.
Speqtri.ge-მ გურჯაანის მოსახლეობა შემთხვევითი შერჩევის პრინციპით
გამოკითხა - ენდობიან თუ არა კორონავირუსის საწინააღმდეგო
ვაქცინაციას?
უმრავლესობა, ვინც ვიდეოგადაღებას დათანხმდა, იმუნიზაციას დადებითად
აფასებს, თუმცა საზოგადოების ნაწილი ვაქცინაციის მიმართ უნდობლობას
გამოხატავს. აღსანიშნავია, რომ ანტივაქსერულად განწყობილი ადამიანები
კითხვაზე პასუხის გაცემას თავს არიდებდნენ, ზოგი მხოლოდ აუდიო
კომენტარზე დაგვთანხმდა, თუმცა, გამოვკითხეთ ისეთებიც, ვინც პოზიცია
საჯაროდ დააფიქსირა.
გურჯაანის საზოგადოებრივი ჯანდაცვის ცენტრის იმუნიზაციის ექიმ ნონა
შანიძის თქმით, იმუნიზაცია დღეს მეტად აქტუალური თემა გახდა, რადგან
კოვიდის წინააღმდეგ სხვა ალტერნატივა არ არის.
„იმუნიზაციას აქვს საუკუნეების ისტორია და ერთ-ერთი უდიდესი მიღწევაა
სამედიცინო სფეროში იმიტომ, რომ ალტერნატივა არ აქვს, თუნდაც, კოვიდის
შემთხვევაში.
თუმცა, სამწუხაროდ, ისევე როგორც საქართველოში, მათ შორის გურჯაანის
არეალში, აცრები ძალიან ნელი ტემპით მიმდინარეობს. პროცესი,
ფაქტობრივად, წყდება. არის დღეეები, როდესაც ვაქცინაცია ერთეულ
ადამიანებს უტარდებათ. უნდა აღვნიშნოთ ისიც, რომ დღეს ჩატარებული
ვაქცინაციის უდიდესი წილი იმათზე მოდის, ვინც პირველადი აცრა უკვე
გაიკეთა. დანარჩენ შემთხვევაში, პირველადი აცრები ძალიან მდორე ტემპით
მიმდინარეობს.“
რაც შეეხება უნდობლობას, ნონა შანიძე ამბობს, რომ მოსახლეობას
ვაქცინაციასთან დაკავშირებით არ აქვს საკმარისი და სწორი
ინფორმაცია.
„ ჩვენ გვქონდა იმუნიზაციის მარათონი სოფელ ველისციხეში. სოფელი არის
საკმაოდ დიდი და მოსახლეობას რომ ვხვდებოდით, ინფორმაციის ნაკლებობა
ჰქონდათ - ვერ ერკვეოდნენ რაღაც ასპექტებში. ანტივაქსერული
მიმართულება ძალიან გააქტიურებულია - ისეთი არგუმენტები მოჰყავდათ,
რაც არ უნდა იცოდეს მოსახლეობამ დამახინჯებით. ეს არ არის მარტო შიშის
ფაქტორი. ინფორმაციული შიმშილია, ასე დავარქმევდი იმიტომ, რომ ბევრ
რამეში ვერ ერკვევიან. მაგ. საზოგადოებას ჰგონია, რომ შაქრიანი
დიაბეტით დაავადებული არ უნდა აიცრას, ამ დროს კი, ზუსტად შაქრიანი
დიაბეტით დაავადებულს უნდა ჩაუტარდეს აცრა. შეიძლება ოჯახის
ექიმებისგან ნაკლები ინფორმაციაა, შეიძლება ტელევიზიიდანაც ვერ იღებენ
იმ კუთხით ინფორმაციას, რაც მოსახლეობამდე უნდა იყოს დაყვანილი, თუმცა
ზუსტ მიზეზს ვერ გეტყვით.“
ნონა შანიძე მოსახლეობას მოუწოდებს იმუნიზაციისკენ, რადგნ, მისი
თქმით, ორჯერადად აცრილ ადამიანებს, უფრო მარტივად გადააქვთ
დაავადება.
„აუცილებლად უნდა ავიცრათ, რადგან თუკი ორჯერადად აცრილებს კოვიდი
შეხვდებათ, მათ უფრო მარტივად გადააქვთ დაავადება, ხშირ შემთხვევაში,
არც სტაციონარში ხვდებიან, არც რეანიმაციაში და, მითუმეტეს,
სიკვდილიანობა გაცილებით დაბალია, თითქმის არ არსებობს დამტკიცებული
შემთხვევები; “ - განაცხადა ნონა შანიძემ Speqtri.ge-სთან
საუბრისას.
საქართველოს ჩრდილო-დასავლეთ ნაწილში მდებარე პანკისის ხეობაში
ტრადიციებს მკაცრად იცავენ. უკვე რამდენიმე ასეული წელია, რაც ეს
რეგიონი სამშობლოდ იქცა ჩეჩნური ფესვების მქონე ქისტების თემისთვის,
რომელიც აქაური მოსახლეობის 70%-ს შეადგენს. პანკისის პატარა
მაღალმთიან სოფლებს უხუცესთა საბჭო ადათ-წესებისა და ისლამის
შესაბამისად მართავს. ქალების ხმა აქ ხშირად არ ისმის. მიუხედავად
ამისა, პანკისის სოფლებში, ქორეთში, ბირკიანში, დუმასტურში, ჯოყოლოსა
და ყვარელწყალში ქალებმა ევროკავშირის მხარდაჭერით ტრადიციულად
ტაბუდადებულ თემაზე — რეპროდუქციულ ჯანმრთელობაზე დაიწყეს ლაპარაკი.
სპეციალური საგამოძიებო სამსახურის მიერ, არასრულწლოვნის თანდასწრებით
ოჯახში ძალადობის და მუქარის ფაქტებზე, მხილებულია შინაგან საქმეთა
სამინისტროს განსაკუთრებულ დავალებათა დეპარტამენტის თანამშრომელი
ა.ბ.
საავტომობილო გზების დეპარტამენტის ინფორმაციით, თბილისი-საგარეჯოს
მაგისტრალური გზის 31 კმ-იანი და ბაკურციხე-წნორის 16.6 კმ-იანი
მონაკვეთების მშენებლობა გრძელდება.
ქალაქ გურჯაანში 2023 წლის 15 ივნისს მომხდარი სტიქიის შემდეგ თითქმის
რვა თვეა გასული. სტიქიის შედეგად დაზიანდა როგორც ქალაქის ცენტრალური
ნაწილი და მისი გარეუბნები, ასევე შიდასახელმწიფოებრივი მნიშვნელობის
მქონე გურჯაანი-ჭაბუკიანი-აფენი-კაბალის გზაც. დროში გაწელილი სტიქიის
სალიკვიდაციო სამუშაოების გამო გურჯაანის მოსახლეობა წუხს.
"საქართველოში აკრძალულია ნებისმიერი სახის დისკრიმინაცია" მიუხედევად
იმისა, რომ ასე იწყება "დისკრიმინაციის ყველა ფორმის აღმოფხვრის
შესახებ" კანონის მეორე მუხლი, გენდერული დისკრიმინაცია და
უთანასწორობა ჩვენს ქვეყანაში სხვა გამოწვევებს შორის ერთ-ერთი
მთავარია.
თიბისიმ ახალი თაობისთვის ახალი პროექტი, „თიბისის განათლების სივრცე”
შექმნა. პროექტის ფარგლებში, საქართველოს ყველა რეგიონის სკოლებში
მრავალფუნქციური სივრცეების მოწყობა იგეგმება, სადაც მოსწავლეებს
შეეძლებათ დაკავდნენ მრავალფეროვანი, კლასგარეშე აქტივობებით და
გაიღრმავონ ცოდნა მათთვის საინტერესო მიმართულებით.
იანვრის წმინდა სავალუტო შემოდინებები წინა თვესთან შედარებით
გაუარესდა, თუმცა მაინც მაღალია. აღსანიშნავია, რომ გასულ თვეებში
კლების შემდეგ, სეზონური ფაქტორების გათვალისწინებით, მცირედით
გაუმჯობესდა მიგრაციის მაჩვენებელი, ისევე როგორც დაფიქსირდა
ფეროშენადნობების ექსპორტის გარკვეული აღდგენა.
ანტიკორუფციული კანონმდებლობით გათვალისწინებული არსებული
ვალდებულება, რომელიც ავალდებულებს ნარკოტესტირებას ისეთი
თანამდებობის პირებისთვის, როგორიცაა საქართველოს პრეზიდენტი,
პარლამენტის წევრები, მინისტრები, მათი მოადგილეები, ასევე
ავტონომიური რესპუბლიკების წარმომადგენლები, ოფიციალურად გაუქმდა.
უნგრეთის ქალაქ დიორში 10 მეტრზე პნევმატური იარაღის სროლაში ევროპის
ჩემპიონატი მიმდინარეობს, სადაც საქართველოს გოგონათა ნაკრები,
ისტორიაში პირველად ევროპის ჩემპიონი გახდა. თელაველმა მარიამ
ფროდიაშვილმა ასევე პირადი პირველობაც მოიპოვა.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები