ვიდეო
იორმუღანლოს სათემო ცენტრი -ქართული ენის სწავლების ალტერნატიული სივრცე ახალგაზრდებისთვის [Video]
17 წლის სამა ისაევა, ოჯახთან ერთად აზერბაიჯანში ცხოვრობდა, თუმცა, პანდემიის გამო ერთი წლის წინ საქართველოში, იორმუღანლოს სოფელ დუზაგარამაში გადმოსახლდა.
საქართველოში ჩამოსვლის შემდეგ მან ქართული ენის სწავლა გადაწყვიტა, რომ შემდეგ თბილისის სახელმწიფო უნივერსიტეტში ჩაებარებინა:
„მამაჩემი ბაქოში იყო დასაქმებული და შესაბამისად, მთელი ბავშვობა აზერბაიჯანში გავატარე, მაგრამ პანდემიის გამო საქართველოში დაბრუნება მოგვიწია. მეც გადავწყვიტე ეს შესაძლებლობა გამომეყენებინა და თბილისში, სახელმწიფო უნივერსიტეტში ჩამებარებინა.“

სამას უნდა, ფიზიკა-მათემატიკის მასწავლებელი გახდეს. მას მიაჩნია, რომ სახელმწიფო ენის ცოდნა იორმუღანლოში მის თანატოლებსაც დაეხმარება მიზნების მიღწევაში.
„ჩემი გეგმები სწორედ საქართველოს უკავშირდება. მინდა აქ გავაგრძელო ცხოვრება. მაქვს ოცნებები, რომელთა ახდენაშიც ქართული ენის ცოდნა დამეხმარება, “ - ამბობს სამა.



იორმუღანლოში ქართული ენის სწავლა სათემო ცენტრშია შესაძლებელი, რომელიც მიმდინარე წლის ივლისში გაიხსნა. აქ ქართული ენის შესწავლის მსურველთათვის ონლაინ კურსები ტარდება. სამამ ამის შესახებ სოციალური ქსელით შეიტყო და უკვე 2 თვეა, მუდმივად ესწრება გაკვეთილებს, რაც, მისი თქმით, ძალიან ეხმარება კომუნიკაციის გაუმჯობესებაში.

„ხშირად ვუყურებთ ქართულ ფილმებს და შემდეგ მათ შესახებ ვმსჯელობთ. ეს შესანიშნავია. ვგრძნობ, როგორ უმჯობესდება ჩემი მართლწერა. ყოველთვის ვიმახსოვრებ შეცდომებს, რომლებსაც მისწორებენ. ვგრძნობ, რომ თემების წერის დროს, იმდენ გრამატიკულ შეცდომას აღარ ვუშვებ, რასაც მანამდე უნივერსიტეტის მოსამზადებელ კურსზე ვუშვებდი“ - ამბობს სამა და თავის აზერბაიჯანელ მეგობრებს მოუწოდებს, სირთულის მიუხედავად, უკან არ დაიხიონ და ქართული ენა საფუძვლიანად შეისწავლონ:


„თუ გინდა, კარიერულ წინსვლას მიაღწიო, ქართული ენის გარეშე არაფერი გამოვა. თანაც გავიგე, რომ ქართული უნივერსიტეტის დიპლომი 32 ქვეყანაშია აღიარებული. თუ შენი გეგმები ამ ქვეყნის ფარგლებს სცდება და გინდა სხვაგანაც მიაღწიო რამეს, ეს კიდევ ერთი მიზეზია, თუ რატომ უნდა იწავლო ქართული.“

სათემო ცენტრს ქართული ენის კურსებს სტუდენტებისა და სკოლის მოსწავლეებისთვის ატარებს. ლამბალოს საჯარო სკოლის მე-9 კლასის მოსწავლე ალთუნ რაშიდოვი ამ კურსებს უკვე ერთ თვეა, ესწრება.
„ქართულ ენას სკოლაშიც გვასწავლიან, მაგრამ ჩვენ გვჭირდება უფრო მეტი კომუნიკაცია და ამიტომ გადავწყვიტე, რომ უკეთ ვისწავლო. რადგან საქართველოს მოქალაქე ვარ, ქართული ენა კარგად უნდა ვიცოდე,“ - გვეუბნება ალთუნი.



ონლაინ გაკვეთილებს იორმუღანლოს თემის სხვადასხვა სოფლის ბავშვებს ერთმანეთთან ქართულად აქვთ ურთიერთობა. რაც, როგორც ამბობენ, ენის სწავლას უადვილებთ.
„როდესაც უნივერსიტეტში ჩავაბარებ, ქართული ენის ცოდნა ძალიან დამეხმარება, მინდა სტომატოლოგი გამოვიდე,“ - ამბობს მეცხრეკლასელი ალთუნი.
იორმუღანლოს სათემო ცენტრი თოზუ გულმამედოვამ და ჰუსეინ ჰუსეინოვმა, მეგობართან ერთად დააფუძნეს. ცენტრის გახსნამდე მათ იორმუღანლოს ბავშვები გამოჰკითხეს, თუ რა სჭირდებოდათ ყველაზე მეტად და საბოლოოდ, მთავარ პრიორიტეტად ქართული ენის სწავლება დაისახეს.

„ვიცოდით, რომ რთული იქნებოდა, მაგრამ გავბედეთ და დავიწყეთ. ძალიან ბევრი იდეა გვაქვს, რომ ბავშვებს ოცნების რეალიზებაში დავეხმაროთ, მაგრამ ერთ-ერთი და ყველაზე მნიშვნელოვანი ქართული ენის შესწავლაა. მიგვაჩნია, რომ ქართული ენის შესწავლა ამ ახალგაზრდებს დიდ პერსპექტივას მისცემს,“ - ამბობს თოზუ გულმამედოვა.



თოზუ იხსენებს, როგორ ფიქრობდა უნივერსიტეტში სწავლის გაგრძელებაზე უარის თქმას, ბევრი თანატოლის მსგავსად, ენის არცოდნის გამო.
„ჩვენთვის ყველაზე დიდი სირთულე უნივერსიტეტში ჩაბარებაა. ბავშვები იქამდე მივიდნენ რომ მას შემდეგაც კი, რაც სტუდეტები გახდნენ, ძალიან ბევრი სირთულე შეხვდათ და იძულებულები გახდნენ, სოფელში დაბრუნებულიყვნენ. აღარ გვინდა, ენის არცოდნის გამო, ამ ახალგაზრდების პოტენციალი დაიკარგოს.“

იორმუღანლოს სათემო ცენტრი მინიმალური რესურსით, ძირითადადად, მოხალისეობრივ საფუძველზე მუშაობს. მათ ოფისიც კი არ აქვთ და ხშირად ერთმანეთის სახლში, ან კაფეში იკრიბებიან, რომ იდეები განიხილონ.

რესურსის პრობლემები თოზუმ მეგობარ, მარიამ აფხაზავას გაუზიარა, რომელმაც იორმუღანლოელი ახალგაზრდებისთვის ქართული ენის სწავლება უფასოდ გადაწყვიტა.
სათემო ცენტრის თანადამფუძნებელი, ჰუსეინ ჰუსეინოვი ამბობს, დეკემბრიდან ახალ პროექტს იწყებენ, რომელიც არაფორმალურ განათლებას ეხება.
„ახალგაზრდების უმრავლესობამ არ იცის თავისი, როგორც საქართველოს მოქალაქის ან ეთნიკური უმცირესობის წარმომადგენლის უფლებები. ეს არაფორმალური განათლების ერთ-ერთი მნიშვნელოვანი საკითხი იქნება. კურსის დამთავრების შემდეგ გაიცემა სერტიფიკატი,“ - გვითხრა ჰუსეინმა.



ორგანიზაცია ქართული ენის სწავლების გარდა, სოფელში ბიბლიოთეკის გახსნასაც გეგმავს, სადაც ქართული და აზერბაიჯანული წიგნები იქნება - „ეს ახალგაზრდებს მნიშვნელოვნად დაეხმარება არამარტო ენის შესწავლაში, არამედ ზოგადი განათლების მიღებაში. წიგნები გვაქვს თითქმის ყველა თემატიკაზე, რომელიც ეროვნული ბიბლიოთეკის დირექტორმა გიორგი კეკელიძემ გადმოგვცა.“

დღეს ცენტრს 30-მდე ბენეფიცარი ჰყავს. თოზუ და ჰუსეინი ფიქრობენ, მომავალში სხვადასხვა ორგანიზაციას მიმართონ, რათა მოიპოვონ დაფინანსება და პროექტში მეტი ახალგაზრდა ჩართონ.
როგორც თოზუ ამბობს, დღეს მათი ერთადერთი რესურსი მოტივაციაა: „გვიწევს დავამტკიცოთ, რომ ენის არცოდნა ჩვენი „სიზარმაცის ბრალი“ არაა - სახელწიფო არ გვიწყობს ხელს.“

| Print |  E-mail
FaceBook Twitter Google
ამავე კატეგორიაში
გეგა ფრიდონიშვილი თავის თანამოაზრეებთან ერთად სოფელ მელაანში უამრავ
აქტივობას ახორციელებს, რათა სოფელში ცხოვრება მეტად საინტერესო და
პროდუქტიული გახადოს. იგი საკუთარ გეგმებსა და იდეებზე გვიყვება.
გეგა ფრიდონიშვილი თავის თანამოაზრეებთან ერთად სოფელ მელაანში უამრავ აქტივობას ახორციელებს, რათა სოფელში ცხოვრება მეტად საინტერესო და პროდუქტიული გახადოს. იგი საკუთარ გეგმებსა და იდეებზე გვიყვება.
22:26 / 21.12.2021
ვიწყებთ ახალ რუბრიკას „სპექტრის სტუმარი“. პირველი გადაცემები
სტუმრად მოვიწვიეთ გურჯაანის მუნიციპალიტეტის ახლადარჩეული მერი,
ზურაბ უტიაშვილი.
ვიწყებთ ახალ რუბრიკას „სპექტრის სტუმარი“. პირველი გადაცემები სტუმრად მოვიწვიეთ გურჯაანის მუნიციპალიტეტის ახლადარჩეული მერი, ზურაბ უტიაშვილი.
12:38 / 17.12.2021
კასრისწყალი დედოფლისწყაროდან 40 კილომეტრში მდებარეობს. აქ
მეგობრულად ცხოვრობენ სომხები, აზერბაიჯანელები და ქართველები.
კასრისწყალი დედოფლისწყაროდან 40 კილომეტრში მდებარეობს. აქ მეგობრულად ცხოვრობენ სომხები, აზერბაიჯანელები და ქართველები.
14:42 / 30.11.2021
გურჯაანში ვაქცინაციის მარათონი დაიწყო. შემოუერთდით. ავიცრათ
ერთმანეთისთვის.
გურჯაანში ვაქცინაციის მარათონი დაიწყო. შემოუერთდით. ავიცრათ ერთმანეთისთვის.
16:27 / 26.11.2021
სამართალი
სიღნაღის რაიონულმა სასამართლომ, კახეთის პოლიციის დეპარტამენტის საგარეჯოს რაიონული სამმართველოს თანამშრომლების ცემის ფაქტზე დაკავებულ ორ პირს პატიმრობა შეუფარდა.
11:12 / 11-01-2022
სიღნაღის მუნიციპალიტეტის სოფელ ნუკრიანში “ენერგო პრო ჯორჯიას" კუთვნილი ელექტროსადენები მოიპარეს.
15:25 / 10-01-2022
გარემოსდაცვითი ზედამხედველობის დეპარტამენტის თანამშრომლებმა მარნეულსა და საგარეჯოში  ხე-ტყის უკანონო ტრანსპორტირების 2 ფაქტი გამოავლინეს.
11:06 / 08-01-2022
ეკონომიკა
2021 წლის 1 აგვისტოდან 2022 წლის 9 იანვრის ჩათვლით საქართველოდან 17.8 ათასი ტონა თხილის ექსპორტი განხორციელდა, რომლის ღირებულებამ 81.1 მლნ აშშ დოლარი შეადგინა. განცხადებას, აღნიშნულთან დაკავშირებით, გარემოს დაცვისა და სოფლის მეურნეობის სამინისტრო ავრცელებს.
14:55 / 10-01-2022
სემეკის გადაწყვეტილებით, 2021 წლის 1 იანვრიდან ელექტროენერგიის ტარიფი - როგორც საყოფაცხოვრებო, ასევე არასაყოფაცხოვრებო მომხმარებლებისთვის, გაიზარდა. ტარიფი გაზრდილია როგორც თბილისში, ასევე რეგიონებშიც . ინფრომაციას აღნიშნულთან დაკავშირებით, სემეკი ავრცელებს.
11:33 / 10-01-2022
სხვა ამბები
მას შემდეგ, რაც ევროკავშირი უკრაინაში მიმდინარე კონფლიქტების მოწესრიგებისთვის, ქალაქ მინსკში მიღებულ სამშვიდობო შეთანხმების პროცესს პოლიტიკურად აფასებს, 2015 წლიდან, რუსეთის მიერ დაწესებული სანქციები ყოველ 6 თვეში ერთხელ, კიდევ ნახევარი წლით გრძელდება.
13:22 / 14-01-2022
შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა თეა ახვლედიანმა სამუშაო შეხვედრა გამართა საქართველოში ევროკავშირის ელჩთან კარლ ჰარცელთან.
15:28 / 13-01-2022
საქართველოს პრეზიდენტი საკუთარ ფეიბუკ-გვერდზე გამოეხმაურა ყაზახეთში მიმდინარე პროცესებს.
14:36 / 10-01-2022
საქართველოს პრემიერ-მინისტრი, ირაკლი ღარიბაშვილი მთავრობის სხდომაზე ყაზახეთში მიმდინარე მოვლენებს გამოეხმაურა.
12:53 / 10-01-2022
ჩრდილოეთ კორეის საინფორმაციო სააგენტომ, კორეის ცენტრალურმა სატელეგრაფო სააგენტომ, ხუთშაბათს დაადასტურა მონაცემები ქვეყნის მიერ წინა დღით რაკეტის გაშვების თაობაზე. ინფრორმაციას აღნიშნულთან დაკავშირებით Reuters-ი აქვეყნებს.
15:51 / 06-01-2022
10, 11 და 12 დეკემბერს ქალაქ თბილისში კიკბოქსინგში საქართველოს თასის ჩემპიონატი ჩატარდა, სადაც გურჯაანელი, კლუბ „მგლების“ სპორტსმენებიც იღებდნენ მონაწილეობას.
13:33 / 14-12-2021
ვალუტა
EUR
EUR
1
3.4908
USD
USD
1
3.0794
GBP
GBP
1
4.1791
TRY
TRY
1
0.2297
RUB
RUB
100
4.0259
ამინდი
გურჯაანი -3 / 9 °C
img
საგარეჯო -3 / 5 °C
img
დ.წყარო -5 / 3 °C
img
სიღნაღი -6 / 8 °C
img
ლაგოდეხი -2 / 7 °C
img
ყვარელი -3 / 9 °C
img
თელავი -1 / 8 °C
img
ახმეტა -2 / 8 °C
img
კალენდარი
«« იანვარი 2022 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.