ყოფილმა პრემიერ-მინისტრმა, გიორგი გახარიამ პოლიტიკაში დაბრუნება დააანონსა. ამის შესახებ მან „ფორმულასთან“ და „TV პირველთან“ საუბარში განაცხადა.
„პირველი მინდა, გითხრათ, რომ მიუხედავად იმისა, რომ უამრავი სხვადასხვა ჭორი გავრცელდა, არსად წასვლას არ ვაპირებ. უფრო მეტიც, არც პოლიტიკიდან არ წავალ. რეალურად გეგმებს მივყვებით, ჩვენს დღის წესრიგს, რაც მოგვცემს იმის საშუალებას, რომ უახლოეს მომავალში ყველაფერი დეტალურად გაგიზიაროთ და მოგიყვეთ. ეს არის დღეს რისი თქმაც მინდოდა“, - განაცხადა მან.