საქართველომ დაასრულა ევროკავშირის კანდიდატი ქვეყნის სტატუსის თვითშეფასების კითხვარის მეორე ნაწილზე მუშაობა. შევსებულ კითხვარს ქართული მხარე ევროკომისიას ხვალ, 10 მაისს გადასცემს.

საგარეო საქმეთა მინისტრის, ილია დარჩიაშვილის განმარტებით, კითხვარის მეორე ნაწილი ტექნიკურ-სექტორული ხასიათის იყო, რომლის მომზადებასაც საკმაოდ დიდი ძალისხმევა დასჭირდა. მისი ინფორმაციით, შემდგომი ნაბიჯი გახლავთ აღნიშნულ დოკუმენტზე ევროკომისიის მხრიდან შესაბამისი დასკვნის მომზადება.

აღსანიშნავია, რომ კითხვარის პირველი ნაწილი, საქართველოს პრემიერ-მინისტრმა, ირაკლი ღარიბაშვილმა საქართველოში ევროკავშირის ელჩს, კარლ ჰარცელს 2 მაისს გადასცა.