უკრაინაში რუსეთის შეჭრიდან, 24 თებერვლიდან, 7 ივნისის ჩათვლით დაღუპულია 4200-ზე მეტი მშვიდობიანი მოქალაქე, მათ შორის 272 ბავშვი.

ინფორმაციას აღნიშნულთან დაკავშირებით, გაეროს (გაერთიანებული ერების ორგანიზაციის) ადამიანის უფლებათა უმაღლესი კომისრის ოფისი ტვიტერზე ავრცელებს.

ინფორმაციაში აღნიშნულია, რომ უკრაინაში, საომარი მოქმედებების შედეგად, დაჭრილია 5141 სამოქალაქო პირი, აქედან 433 ბავშვია.

არსებული სტატისტიკით, უკრაინულ მოსახლეობაში ყველაზე დიდი მსხვერპლი დონეცკისა და ლუგანსკის ოლქებში აღირიცხება, სადაც 2455 ადამიანია გარდაცვლილი, დაჭრილია-2938. აღნიშნული ოლქების იმ ტერიტორიაზე, რომელსაც უკრაინა აკონტროლებს, მსხვერპლი გაცილებით მეტია (მოკლულია 2303 ადამიანი, დაჭრილი - 2299).

კომისრის ოფისის ინფორმაციის თანახმად, სამოქალაქო მოსახლეობაში მსხვერპლი, უმეტესად, გამოწვეულია მძიმე არტილერიისა და ზალპური ცეცხლის რეაქტიული სისტემების გამოყენებით განხორციელებული შეტევებისა და სარაკეტო/საჰაერო დარტყმების შედეგად.

Latest update on civilian casualties in context of Russia’s armed attack against #Ukraine: 4,253 killed, incl 272 children; 5,141 injured, incl 433 children, mostly caused by shelling & airstrikes. Actual toll is much higher. More ➡️ https://t.co/3LB6o8DDFx pic.twitter.com/JYJp9MtVxx

— UNHumanRightsUkraine (@UNHumanRightsUA) June 7, 2022