ფინეთი, რუსეთში გამოცხადებული მობილიზაციის ფონზე, რუსი
ტურისტებისთვის საზღვრებს კეტავს.
ფინეთის მთავრობაში განმარტავენ, რომ გამონაკლისი შეეხება ოჯახურ
ვიზიტებს, ასევე მუშაობისა და სწავლის მიზნით ჩასულ მოქალაქეებს.
მედიის ინფორმაციით, გადაწყვეტილება დღეს, ადგილობრივი დროით
00:00 საათზე შევა ძალაში.
”პრინციპული გადაწყვეტილება მიზნად ისახავს მთლიანად აღკვეთოს რუსული
ტურიზმი ფინეთში და მასთან დაკავშირებული ტრანზიტი ფინეთის გავლით,” -
განაცხადა ფინეთის საგარეო საქმეთა მინისტრმა, პეკა ჰავისტომ
პრესკონფერენციაზე.
1 სექტემბრის მდგომარეობით, ფინეთმა შეამცირა რუსეთის მოქალაქეებზე
გაცემული ვიზების რაოდენობა - მათ შორის ტურისტული მიზნებისთვის, რაც
მათივე თქმით, უკრაინის მიმართ სოლიდარობის გამოხატულებაა.
მასალის გამოყენების პირობები