პოლიციამ მამის დაჭრაში ბრალდებული 22 წლის მამაკაცი დააკავა. შინაგან საქმეთა სამინისტროს ინფორმაციით, მან წუხელ, გვიან ღამით, თელავის მუნიციპალიტეტის სოფელ კისისხევში, მამა დაჭრა და შემთხვევის ადგილიდან მიიმალა.
გავრცელებული ინფორმაციით, მამა-შვილი არაფხიზელ მდგომარეობაში იმყოფებოდა და მათ შორის დაპირისპირება ოჯახური კონფლიქტის გამო დაიწყო. დაჭრილი თელავის რაიონულ საავადმყოფოში გადაიყვანეს, მის სიცოცხლეს საფრთხე არ ემუქრება.

შსს-ს ინფორმაციით, მომხდარზე საქმე სსკ-ის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.