შსს-ს თბილისის პოლიციის დეპარტამენტის დეტექტივების სამმართველოს,
ისანი-სამგორის სამმართველოს და საპატრულო პოლიციის დეპარტამენტის
თანამშრომლებმა, 1990 წელს დაბადებული ნოვრაზ ა. განზრახ მკვლელობის
ბრალდებით დააკავეს.
გამოძიებამ დაადგინა, რომ ბრალდებულმა სოფელ ფონიჭალაში, გამთენიისას,
ეჭვიანობის ნიადაგზე, მეუღლეს - 1996 წელს დაბადებულ კიუნაი ი.-ს ცივი
იარაღით ყელის არეში ჭრილობა მიაყენა და შემთხვევის ადგილიდან
მიიმალა. კიუნაი ი. საავადმყოფოში გარდაიცვალა.
შსს-ს ინფორმაციით, სამართალდამცველებმა ბრალდებული თბილისში, ცხელ
კვალზე დააკავეს. დანაშაულის ჩადენის იარაღი - დანა ამოღებულია
ნივთმტკიცებად. დაკავებული დანაშაულს აღიარებს.
გამოძიება განზრახ მკვლელობის ფაქტზე, საქართველოს სსკ-ის 108-ე
მუხლით მიმდინარეობს.
მასალის გამოყენების პირობები