შინაგან საქმეთა სამინისტროს გენერალურმა ინსპექციამ, განსაკუთრებით
დიდი ოდენობით ნარკოტიკული საშუალების საქართველოში უკანონოდ
შემოტანაში დახმარების და ქრთამის გამოძალვის ფაქტზე სამეგრელო-ზემო
სვანეთის სამხარეო სამმართველოს უფროსი ზაზა სურმავა დააკავა.
შინაგან საქმეთა სამინისტროს ინფორმაციით, აღნიშნული დანაშაული
გათვალისწინებულია საქართველოს სისხლის სამართლის კოდექსის 24-262-ე
მუხლის მე-4 ნაწილის „ა“ ქვეპუნქტით (ისჯება თავისუფლების აღკვეთით
ვადით თხუთმეტიდან ოც წლამდე ან უვადო თავისუფლების აღკვეთით), სსკ-ს
338-ე მუხლის მე-2 ნაწილის „ბ“ ქვეპუნქტით (ისჯება თავისუფლების
აღკვეთით ვადით შვიდიდან თერთმეტ წლამდე) და მესამე ნაწილის „გ“
ქვეპუნქტით (ისჯება თავისუფლების აღკვეთით ვადით თერთმეტიდან თხუთმეტ
წლამდე).
მასალის გამოყენების პირობები