შსს-ს კახეთის პოლიციის დეპარტამენტის გურჯაანის რაიონული სამმართველოს თანამშრომლებმა, 1984 წელს დაბადებული გ.ნ. გურჯაანის რაიონის სოფელ კალაურში დააკავეს.

გ.ნ 2016 წლის 4 ოქტომბრიდან გურჯაანის რაიონული სამმართველოს მიერ ოჯახში ძალადობის ბრალდებით იძებნებოდა.
როგორც გამოძიებამ დაადგინა, ალკოჰოლის ზემოქმედების ქვეშ მყოფმა ბრალდებულმა თავის დედას - ლ. ნ.-ს ფიზიკური შეურაცხყოფა მიაყენა. დაკავებული პენიტენციურ დაწესებულებაშია გადაყვანილი.