თაღლითობის ფაქტზე რუსთავის მე-16 დაწესებულების ინსპექტორი დააკავეს
სუს-მა და სასჯელაღსრულებისა და პრობაციის სამინისტროს გენერალურმა
ინსპექციამ თაღლითობის მცდელობის ფაქტზე, სასჯელაღსრულებისა და
პრობაციის სამინისტროს პენიტენციალური სისტემის რუსთავის N16-ე
დაწესებულების ინსპექტორი ნათელა ჯინჭარაძე დააკავეს.
როგორც გამოძიებამ დაადგინა, ნათელა ჯინჭარაძე მოქალაქეს თავისი
ახლობლის, ქ.რუსთავის N17-ე დაწესებულებაში მყოფი პატიმრის ვადაზე
ადრე გათავისუფლებაში დახმარებას დაჰპირდა, რის სანაცვლოდაც გამოართვა
7000 აშშ დოლარი , რა დროსაც იგი ბრალდებულის სახით დააკავეს.
გამოძიება თაღლითობის მცდელობის ფაქტზე მიმდინარეობს (საქართველოს
სსკ-ის 19-180-ე მუხლის მე-3 ნაწილის ,,ა“ და „ბ“ ქვეპუნქტებით, რაც
სასჯელის სახით ითვალისწინებს თავისუფლების აღკვეთას ვადით 6-დან 9
წლამდე).
გამოძიებას სახელმწიფო უსაფრთხოების სამსახურის ანტიკორუფციული
სააგენტო აწარმოებს.
მასალის გამოყენების პირობები