დედოფლისწყაროს მუნიციპალიტეტში წითელ წიგნში შეტანილ სარსარაკზე
ნადირობის ფაქტი გამოვლინდა.
აღნიშნული კანონდარღვევა გარემოსდაცვითი ზედამხედველობის
დეპარტამენტის კახეთის რეგიონული სამმართველოს თანამშრომლებმა
დააფიქსირეს.
მათი ინფორმაციით, სამართალდამრღვევებს ე.წ. პროჟექტორის გამოყენებით
უკანონოდ მოპოვებული ჰყავდათ 1 კურდღელი და 16 სარსარაკი, რომელზე
ნადირობასაც კანონი კრძალავს.
გარემოზე მიყენებული ზიანი 24 ათას ლარს შეადგენს. შედგა შესაბამისი
ადმინისტრაციული ოქმები, მასალები რეაგირებისთვის შესაბამის რაიონულ
სასამართლოს გადაეცემა.
მასალის გამოყენების პირობები