შსს "ქურდული სამყაროს“ წინააღმდეგ კანონმდებლობის გამკაცრებას გეგმავს
შინაგან საქმეთა სამინისტროს აკადემიაში ორგანიზებული დანაშაულის
წინააღმდეგ ბრძოლის უწყებათშორისი საკოორდინაციო საბჭოს სხდომა
გაიმართა.
შეხვედრაზე ორგანიზებული დანაშაულის წინააღმდეგ ბრძოლის 2017-2020
წლების ეროვნული სტრატეგიისა და 2017-2018 წლების სამოქმედო გეგმის
პროექტების პრეზენტაცია გაიმართა.
სხდომაზე ასევე განიხილეს შინაგან საქმეთა სამინისტროს მიერ
შემუშავებული ინიციატივები, რომლებიც ე.წ. „ქურდული სამყაროსა“ და
ე.წ. „კანონიერი ქურდების“ წინააღმდეგ კანონმდებლობის დახვეწასა და
გამკაცრებას გულისხმობს.
ორგანიზებული დანაშაულის წინააღმდეგ ბრძოლის 2017-2020 წლების
ეროვნული სტრატეგიისა და 2017-2018 წლების სამოქმედო გეგმის პროექტები
უახლოეს მომავალში საქართველოს მთავრობის ადმინისტრაციას
დასამტკიცებლად გადაეგზავნება.
უწყების ინფორმაციით, შინაგან საქმეთა სამინისტრო მთავრობას ასევე
წარუდგენს საკანონმდებლო პაკეტს ე.წ. „ქურდული სამყაროს“ წინააღმდეგ
კანონმდებლობის გამკაცრების მიზნით.
მასალის გამოყენების პირობები