იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის
თანამშრომლებმა, დიდი ოდენობით ნარკოტიკული საშუალება ამოიღეს.
უწყების ინფორმაციით, სამართალდამცველებმა ნარკოტიკის უკანონო
შეძენა-შენახვის ბრალდებით, 1966 წელს დაბადებული, წარსულში
ნასამართლევი გ.შ. თბილისში, თამარაშვილის ქუჩაზე დააკავეს.
ბრალდებულის პირადი ჩხრეკისას ამოიღეს: 0,47122 გრამი ბუპრენორფინის
შემცველი 57 აბი, 0,276942 გრამი მეტადონის შემცველი 7 აბი და 56,3
გრამი ფხვიერი მასა, რომელიც 6,619844 გრამ ჰეროინს შეიცავს.
დაკავებულმა ჩადენილი დანაშაული აღიარა.
გამოძიება დიდი ოდენობით და განსაკუთრებით დიდი ოდენობით ნარკოტიკული
საშუალების უკანონო შეძენა-შენახვის ფაქტზე (საქართველოს სსკ-ს 260-ე
მუხლის მე-3 ნაწილის „ა“ ქვეპუნქტით და მე-6 ნაწილის „ა“ ქვეპუნქტით)
მიმდინარეობს.
მასალის გამოყენების პირობები