გარემოსდაცვითი ზედამხედველობის დეპარტამენტის კახეთის რეგიონული
სამმართველოს თანამშრომლებმა ხე-ტყის უკანონო ჭრისა და
ტრანსპორტირების 6 ფაქტი გამოავლინეს.
უწყების ინფორმაციით, ლაგოდეხის, თელავისა და საგარეჯოს
მუნიციპალიტეტებში, ადგილი ჰქონდა რცხილის, წიფლისა და მუხის სახეობის
მეორე ხარისხის ხე-ტყის უკანონო ჭრისა და, შემდგომში, მისი სათანადო
დოკუმენტაციის გარეშე ტრანსპორტირების შემთხვევებს. აღნიშნულ
ფაქტებთან დაკავშირებით, შედგა ადმინისტრაციული სამართალდარღვევის
შესახებ ოქმები. მასალები, შემდგომი რეაგირებისთვის, შესაბამის
რაიონულ სასამართლოში გადაიგზავნება.
მასალის გამოყენების პირობები