საქართველოს ფინანსთა სამინისტროს საგამოძიებო სამსახურის
თანამშრომლებმა, სხვისი ქონების მოტყუებით დაუფლების ფაქტზე, 3 პირი
ამხილეს.
უწყების ინფორმაციით, აღნიშნული პირები გაყალბებული, ნოტარიულად
დამოწმებული მინდობილობის გამოყენებით, თაღლითურად დაეუფლნენ ერთ-ერთი
მოქალაქის კუთვნილ ქალაქ თბილისში, დიდ დიღომში მდებარე 3 263 კვ.მ.
მიწის ნაკვეთს. ბრალდებულებმა ნაკვეთი თავის სახელზე დაარეგისტრირეს
და მისი ერთი ნაწილის - 1 263 კვ.მ-ის რეალიზაცია მოახდინეს.
საგამოძიებო სამსახურის თანამშრომლებმა დამნაშავე პირები იმ მომენტში
ამხილეს, როდესაც ისინი მოტყუებით დაუფლებული მიწის ნაკვეთის მეორე
ნაწილის - 2 000 კვ.მ-ის რეალიზაციას ახდენდნენ. გამოძიების ამ ეტაპზე
დაკავებულია 2 პირი, ხოლო ერთი - მიცემულია სისხლის სამართლის
პასუხისგებაში დაუსწრებლად.
გამოძიება საქართველოს სისხლის სამართლის კოდექსის 180-ე მუხლის მეორე
და მესამე ნაწილებით მიმდინარეობს, რაც თავისუფლების აღკვეთას
6-დან 9 წლამდე ვადით ითვალისწინებს.
მასალის გამოყენების პირობები