შინაგან საქმეთა სამინისტროს კახეთის პოლიციის დეპარტამენტის და
საპატრულო პოლიციის თანამშრომლებმა, ხე-ბუჩქნარის უკანონოდ გაჩეხვის
ფაქტები გამოვლინეს.
უწყების ინფორმაციით, 1-დან 11 სექტემბრამდე ტყის უკანონო გაჩეხვის
ფაქტზე 19 პირი გამოავლინეს, ხოლო ხე-ტყის პირველადი გადამამუშავებელი
ობიექტის (სახერხი საამქროს) ტექნიკური რეგლამენტის მოთხოვნების
დარღვევის ფაქტზე 1 პირი ამხილეს. სამართალდამცველებმა მხილებულების
ავტომანქანებიდან, უკანონოდ მოპოვებული ხის მორები და ფიცრები
ამოიღეს, ხოლო ლაგოდეხის რაიონის სოფ. აფენში გამოვლენილი უკანონო
სახერხი საამქრო დალუქეს, საიდანაც სამართალდამცველებმა ხე-ტყის
გადამამუშავებელი დანადგარი და სხვადასხვა ჯიშის ხის მასალა
ამოიღეს.
გამოძიება ხე-ბუჩქნარის უკანონოდ გაჩეხვის ფაქტზე (საქართველოს სსკ-ის
303-ე მუხლის 1-ლი ნაწილით) მიმდინარეობს.
მასალის გამოყენების პირობები