გარემოსდაცვითი ზედამხედველობის დეპარტამენტის თანამშრომლებმა, ნადირობის სეზონის დაწყებიდან დღემდე, წესების დარღვევის 334 ფაქტი გამოავლინეს.
დასავლეთის რეგიონული სამმართველოს სამოქმედო ტერიტორიაზე უკანონო ნადირობის ყველაზე მეტი, 115 ფაქტი გამოვლინდა, სამეგრელო-ზემო სვანეთში – 100, აჭარაში – 34, კახეთში- 30, აღმოსავლეთის რეგიონული სამმართველოს ტერიტორიაზე – 24, თბილისის მასშტაბით – 20, ხოლო ქვემო ქართლსა და სამცხე-ჯავახეთში – 11.

გარემოსდაცვითი ზედამხედველობის დეპარტამენტის ინფორმაციით, აქედან, 30 შემთხვევაში, სამართალდამრღვევები აკრძალული იარაღისა და მეთოდების – ხმოვანი სიგნალის გამომცემი ელექტრონული მოწყობილობების – ე.წ. “მანოკი”, “პროჟექტორი”, ელექტროფარი – გამოყენებით ნადირობდნენ. 4 შემთხვევაში ნადირობის ფაქტი დაცულ ტერიტორიებზე დაფიქსირდა.

ამავე პერიოდში, ამოღებულია 112 ერთეული დაურეგისტრირებელი სანადირო გლუვლულიანი ცეცხლსასროლი იარაღი.