გურჯაანის რაიონულმა სასამართლომ გოგოს მოტაცებაში ბრალდებულების საქმესთან დაკავშირებით განაჩენი გამოიტანა.
ორ ახალგაზრდას, რომლებმაც მიმდინარე წლის აპრილში, გურჯაანის სპორტკომპლექსის მიმდებარე ტერიტორიიდან 24 წლის გოგო მოიტაცეს, ორწლიანი პატიმრობა, 5 წელი პირობითი მსჯავრი და 3 000 ლარი გირაო შეეფარდათ, მოხუც მამაკაცს კი, რომელიც ასევე თანამონაწილედ სცნეს- შვიდწლიანი პირობითი მსჯავრი.

საქმე სსკ-ის 143-ე მუხლით მიმდინარეობდა, რაც თავისუფლების უკანონო აღკვეთას გულისხმობს. გამოძიებას კახეთის პოლიციის დეპარტამენტის გურჯაანის რაიონული სამმართველო აწარმოებდა.