საბაჟო გამშვებ პუნქტებში ,,ლაგოდეხი“ და ,,ქუთაისის აეროპორტი“, ფინანსთა სამინისტროს შემოსავლების სამსახურის მებაჟე ოფიცრებმა,
არადეკლარირებული ოქროსა და ვერცხლის ნაკეთობები აღმოაჩინეს.

უწყების ინფორმაციით, საქართველოს მოქალაქეების თ.ხ-ს, მ.ძ-სა და მ.გ-ს, კუთვნილი ავტომობილებისა და ფიზიკური დათვალიერებისას აღმოჩენილი, არადეკლარირებული ოქროსა (საერთო წონა 467.26 გრამი) და ვერცხლის (5.8 გრამი) ნაკეთობების  საერთო საბაჟო ღირებულებამ 31,427.17 ლარი შეადგინა. საქართველოს საგადასახადო კოდექსის 289-ე მუხლის მე-10 ნაწილის შესაბამისად, კანონდამრღვევ მოქალაქეებს, სანქციის სახით, ფულადი ჯარიმა, საერთო ჯამში, 31,427.17 ლარის ოდენობით შეეფარდათ.