კახეთში დანაშაულის პრევენციის მიზნით უკანონო ცეცხლსასროლი იარაღი ამოიღეს
შინაგან საქმეთა სამინისტროს თანამშრომლებმა, 5-17 თებერვალს
სვანეთში, კახეთში, აჭარაში, სამცხე-ჯავახეთში, სამეგრელოში და
თბილისში ავტომატური ცეცხლსასროლი იარაღი ამოიღეს.
უწყების ინფორმაციით, ამოღებულია “კალაშნიკოვი”, 2 მცირეკალიბრიანი
შაშხანა, 6 პისტოლეტი, 3 სანადირო თოფი, 2 ე.წ. აბრეზი, 602
სხვადასხვა კალიბრის საბრძოლო ვაზნა და 6 მჭიდი. ცეცხლსასროლი იარაღის
და საბრძოლო მასალის მართლსაწინააღმდეგო შეძენა-შენახვა-ტარების
ფაქტზე, პასუხისგებაში 15 პირი მისცეს.
გამოძიება საქართველოს სსკ-ს 236-ე მუხლის მე-2 და მე-3 ნაწილებით
-ცეცხლსასროლი იარაღის და საბრძოლო მასალი მართლსაწინააღმდეგო
შეძენა-შენახვა-ტარების ფაქტებზე მიმდინარეობს. მათ მიერ ჩადენილი
დანაშაული 4-დან 6 წლამდე ვადით თავისუფლების აღკვეთას
ითვალისწინებს.
სამცხე-ჯავახეთში მოქალაქეებმა სხვადასხვა ტიპის ცეცხლსასროლი იარაღი,
ფეთქებადი ნივთიერება, ასაფეთქებელი მოწყობილობები და საბრძოლო მასალა
ნებაყოფლობით წარუდგინეს პოლიციას. სულ ჩაბარებულია: 3 გადაჭრილი
სანადირო თოფი, 19 ხელყუმბარა, ავტომატური ცეცხლსასროლი იარაღის 3
მჭიდი, სხვადასხვა სახის იარაღისთვის განკუთვნილი 258 ვაზნა და ერთი
ტანკსაწინააღმდეგო ნაღმი.
აღნიშნული პირები, საქართველოს სისხლის სამართლის საპროცესო კოდექსის
შესაბამისად, სისხლისსამართლებრივი პასუხისმგებლობიდან
თავისუფლდებიან.
მასალის გამოყენების პირობები