შსს-მ ოთხი თვის განმავლობაში ნარკოდანაშაულისთვის 754 პირი მისცა პასუხისგებაში
სამართალდამცველებმა მიმდინარე წლის 1 იანვრიდან 24 აპრილამდე, მთელი
ქვეყნის მასშტაბით, 18 კილოგრამი ნარკოტიკული საშუალებები, სხვადასხვა
სახის ახალი ფსიქოაქტიური და ფსიქოტროპული ნივთიერება უკანონო
ბრუნვიდან ამოიღეს.
შინაგან საქმეთა სამინისტროს ინფორამციით, ნარკოდანაშაულისთვის
პასუხისგებაში მიცემულია 754 პირი, მათ შორის 394 პირი დიდი და
განსაკუთრებით დიდი ოდენობით ნარკოტიკული საშუალების უკანონო
შეძენა-შენახვის და ასევე რეალიზაციის ბრალდებით დააკავეს.
შინაგან საქმეთა სამინისტროს თანამშრომლებმა თბილისში
ნარკოდანაშაულისთვის ირანის 3 მოქალაქე დააკავეს. პოლიციამ
დაკავებულების ფეხსაცმელების ძირებში დამალული 6 შეკვრად დაფასოებული
1 კილო და 120 გრამი ნარკოტიკული საშუალება ჰეროინი ნივთმტკიცებად
ამოიღო. დანაშაული 8-დან 20 წლამდე ან უვადო თავისუფლების აღკვეთას
ითვალისწინებს.
შინაგან საქმეთა სამინისტრომ მიმდინარე წლის 1 იანვრიდან 24
აპრილამდე, მთელი ქვეყნის მასშტაბით, ამოიღო:
2 კილო და 600 გრამი ჰეროინი, 723 გრამი კოკაინი, ბუპრენორფინის
შემცველი 3000 აბი, 1 კილო და 355 გრამი „მდმეი“, 650 გრამი
სხვადასხვა სახის ფსიქოტროპული ნივთიერება, 318 გრამი ახალი
ფსიქოაქტიური ნივთიერება, 130 გრამი მორფინი და სხვა ნარკოტიკული
საშუალებები.
მასალის გამოყენების პირობები