სამართალი
ინგა გრიგოლიას ადევნების და მუქარის ფაქტზე ერთი პირი დააკავეს
შინაგან საქმეთა სამინისტროს თანამშრომლებმა, ჟურნალისტ ინგა
გრიგოლიას მიმართ განხორციელებული მუქარისა და ადევნების ფაქტზე, 1970
წელს დაბადებული რ.ნ. დააკავეს.
უწყებამ აღნიშნულ ფაქტზე გამოძიება მიმდინარე წლის 19 მაისს,
ინგა გრიგოლიას მიერ სოციალურ ქსელში ინფორმაციის გამოქვეყნების
საფუძველზე დაიწყო.
გამოძიებამ დაადგინა, რომ რ.ნ. ხანგრძლივი პერიოდის განმავლობაში ინგა
გრიგოლიას ტელეფონით, ელექტრონული და სხვა საშუალებებით მუქარის
შემცველ შეტყობინებებს უგზავნიდა. მუქარის შემცველი წერილები და სხვა
სახის შეტყობინებები ნივთმტკიცების სახით იქნა ამოღებული.ჩადენილი დანაშაული 2 წლამდე ვადით თავისუფლების აღკვეთას
ითვალისწინებს. გამოძიება მუქარისა და ადევნების ფაქტებზე,
საქართველოს სსკ-ს 151-ე მუხლის 1-ლი ნაწილით და 151-ე პრიმა მუხლის
1-ლი ნაწილით მიმდინარეობს.
მასალის გამოყენების პირობები