სამართალი
შსს-მ განზრახ მკვლელობის მცდელობის ფაქტი გახსნა
შინაგან საქმეთა სამინისტროს აჭარის პოლიციის დეპარტამენტის
თანამშრომლებმა, განზრახ მკვლელობის მცდელობის ბრალდებით, 1992 წელს
დაბადებული გ.ჩ. დააკავეს.
უწყების ინფორმაციით, მის მიერ ჩადენილი დანაშაული 7-დან 15
წლამდე ვადით თავისუფლების აღკვეთას ითვალისწინებს.როგორც გამოძიებამ
დაადგინა, დაკავებულმა მიმდინარე წლის 27 მაისს, ბათუმში მდებარე
საცხოვრებელი კორპუსის ლიფტში, 1985 წელს დაბადებულ ი.ა.-ს ცივი
იარაღით მრავლობითი ჭრილობები მიაყენა და შემთხვევის ადგილიდან
მიიმალა.
დაჭრილი საავადმყოფოში გადაიყვანეს, სადაც მკურნალობას ამ დრომდე
აგრძელებს. სამართალდამცველებმა გ.ჩ.ბათუმში, ერთ-ერთი სასტუმროს
მიმდებარე
ტერიტორიაზე დააკავეს. გამოძიება განზრახ მკვლელობის მცდელობის
ფაქტზე, საქართველოს სსკ-ს 19-108-ე მუხლით მიმდინარეობს. 
მასალის გამოყენების პირობები