ფინანსთა სამინისტროს საგამოძიებო სამსახურის თანამშრომლებმა, დიდი
ოდენობით მარკირებას დაქვემდებარებული აქციზური საქონლის აქციზური
მარკის გარეშე შენახვა-გადაზიდვის ხუთი ფაქტი გამოავლინეს.
როგორც გამოძიებამ დაადგინა, დანაშაულში მხილებული პირები,
შემდგომი რეალიზაციის მიზნით ე.წ. ელექტრო სიგარეტისათვის განკუთვნილი
„HEETS”-ის და „PARLIAMENT“- ის ფირმის თამბაქოს ნაწარმის
შენახვა-გადაზიდვას ახდენდნენ. გატარებული ღონისძიებების შედეგად,
ამოღებულია ჯამში 4 290 კოლოფი უაქციზო სიგარეტი, რომლის საერთო
საბაზრო ღირებულება 23 000 ლარს აღემატება.
გამოძიება საქართველოს სისხლის სამართლის კოდექსის მე-200 მუხლის
პირველი და მეორე ნაწილებით მიმდინარეობს, რაც სასჯელის სახით
თავისუფლების აღკვეთას 4-დან 6 წლამდე ვადით ითვალისწინებს.
მასალის გამოყენების პირობები