ბაკურციხეში, სუპერმარკეტ SPAR-ში, თანხის შესაძლო გაფლანგვაზე გამოძიება დაიწყო
ფინანსთა სამინიტროს საგამოძიებო სამსახური, გურჯაანის
მუნიციპალიტეტის სოფელ ბაკურციხეში მდებარე სუპერმარკეტ SPAR-დან
მოლარის მიერ თანხის შესაძლო მითვისების ფაქტით დაინტერესდა.
speqtri.ge-ის ინფორმაციით, საუბარია დაახლოებით 25 000 ლარის
გაფლანგვაზე.
ფინანსთა სამინისტროს საგამოძიებო სამსახურში განაცხადეს, რომ
გამოძიება სისხლის სამართლის კოდექსის 182-ე მუხლით მიმდინარეობს, რაც
მითვისებას ან გაფლანგვას გულისხმობს. მეტ დეტალზე საგამოძიებო
უწყებაში ამ დროისთვის არ საუბრობენ. საქმე დაახლოებით ერთი კვირის
წინ აღიძრა.
ცნობისთვის, ბაკურციხეში, აღნიშნული სუპერმარკეტი მიმდინარე წლის
მარტში გაიხსნა.
მასალის გამოყენების პირობები