სოფელ გურგენიანში ძაღლების ჩამოხრჩობის ფაქტზე პოლიციამ ერთი პირი ამხილა
ლაგოდეხის მუნიციპალიტეტის სოფელ გურგენიანში, ნაკრძალის მიმდებარე
ტერიტორიაზე ჩამომხრჩვალი ძაღლები იპოვეს. შემთხვევა გუშინ მოხდა.
როგორც speqtri.ge-ს შინაგან საქმეთა სამინისტროს პრესსამსახურში
განუცხადეს, აღნიშნულ ფაქტთან დაკავშირებით გამოძიება დაიწყო კახეთის
პოლიციის დეპარტამენტის ლაგოდეხის რაიონულმა სამმართველომ.
გამოვლენილია ერთი პირი და დანიშნულია ექსპერტიზა.
გამოძიება სისხლის სამართლის კოდექსის 259-ე მუხლით მიმდინარეობს, რაც
ცხოველისადმი სასტიკი მოპყრობას გულისხმობს.
მასალის გამოყენების პირობები