კახეთის პოლიციის დეპარტამენტის საგარეჯოს რაიონულ სამმართველოს
თანამშრომლებმა, წარსულში თაღლითობისთვის ნასამართლევი, 1972 წელს
დაბადებული ი.ა. თაღლითობის ბრალდებით საგარეჯოში დააკავეს.
დანაშაული 2-დან 4 წლამდე ვადით თავისუფლების აღკვეთას
ითვალისწინებს.
შსს-ს ინფორმაციით, გამოძიებამ დაადგინა, რომ ბრალდებული 2017 წლის
ოქტომბერში, საგარეჯოს მუნიციპალიტეტის სოფელ მანავში, მოტყუებით
დაეუფლა მოქალაქის კუთვნილ 53 სულ ცხვარს, რითაც დაზარალებულს 7400
ლარის ღირებულების ქონებრივი ზიანი მიაყენა.
სამართალდამცველებმა ი.ა. სიღნაღის რაიონული სასამართლოს განჩინების
საფუძველზე დააკავეს.
გამოძიება თაღლითობის ფაქტზე, სსკ-ს 180-ე მუხლის მეორე ნაწილით
მიმდინარეობს.
მასალის გამოყენების პირობები