გურჯაანის მუნიციპალიტეტის სოფელ ვაჩნაძიანში, წუხელ მაღაზიებიდან
ავტომობილის ზეთები და ალკოჰოლური სასმელები მოიპარეს.
სოფელში გამგებლის წარმომადგენლის ზაქარია მენაბდიშვილის ინფორმაციით,
დაუდგენელმა პირებმა „თი-ბი-სი“ ბანკის თანხის ჩასარიცხი აპარატის
გატეხვაც სცადეს.
როგორც speqtri.ge-ს შინაგან საქმეთა სამინისტროში განუცხადეს,
მომხდარზე საქმე საქართველოს სისხლის სამართლის კოდექსის 177-ე მუხლით
დაიწყო, რაც ქურდობას გულისხმობს. აღნიშნული ქმედება ისჯება ჯარიმით,
ან თავისუფლების შეზღუდვით ვადით ერთიდან სამ წლამდე, ანდა
თავისუფლების აღკვეთით იმავე ვადით.
საქმეს კახეთის პოლიციის დეპარტამენტის გურჯაანის რაიონული
საამმართველო იძიებს.
მასალის გამოყენების პირობები