გურჯაანის მუნიციპალიტეტის სოფელ კახიფარში ავტოსაგზაო შემთხვევა მოხდა. "მიცუბიშის“ მარკის ავტომობილი გზის სავალი ნაწილიდან გადავიდა და ხეს შეეჯახა.
შემთხვევის შედეგად ორი ადამიანი დაშავდა. ისინი სასწრაფო დახმარების ბრიგადამ გურჯაანის ჯეო-ჰოსპიტალსში გადაიყვანა. მედიკოსების ცნობით, მძიმეა მძღოლის მდგომარეობა, მას მოტეხილობები აღენიშნება.

მომხდარზე გამოძიება სსკ-ის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. ავარიის გამომწვევ მიზეზს გამოძიება დაადგენს.