თელავის მუნიციპალიტეტის სოფელ წინანდალში სადისტრიბუციო კომპანიის კუთვნილ მანქანას ცეცხლი გაუჩნდა. მძღოლმა ავტომობილიდან გადმოსვლა მოასწრო.

ხანძრის ლოკალიზება მაშველებმა რამდენიმე წუთში მოახერხეს. ხანძრის გაჩენის სავარაუდო მიზეზად ელექტროსადენების გაუმართაობა სახელდება.

როგორც speqtri.ge-ს შინაგან საქმეთა სამინისტროს პრესსამსახურში განუცხადეს, საქმე სისხლის სამართლის კოდექსის 188-ე მუხლის მეორე ნაწილით აღძრა, რაც ნივთის დაზიანებას ან განადგურებას გულისხმობს გაუფრთხილებლობით.