ლაგოდეხში ფეხითმოსიარულე მამაკაცს მანქანა დაეჯახა და გარდაიცვალა
ლაგოდეხის მუნიციპალიტეტის სოფელ მშვიდობიანში, ფეხითმოსიარულე 80
წლამდე ასაკის მამაკაცს ავტომანქანა იმ დროს დაეჯახა, როდესაც გზის
გადაკვეთას ცდილობდა.
ავარიის შედეგად ის შემთხვევის ადგილზევე გარდაიცვალა.
-"შემთხვევა გუშინ, დაახლეობით საღამოს შვიდ საათზე მოხდა. მამაკაცი,
რომელიც დაიღუპა, ჩვენი სოფლის მკვიდრი არ არის."- აღნიშნა
speqtri.ge-სთან სოფელ მშვიდობიანში მერის წარმოამდგენელმა რამაზ
ბუთლიაშვილმა.
შინაგან საქმეთა სამინისტროს პრესსამსახურის ინფორმაციით, გამოძიება
სისხლის სამართლის კოდექსის 276-ე მუხლის მე-5-ე ნაწილით დაიწყო, რაც
ტრანსპორტის მოძრაობის უსაფრთხოების ან ექსპლუატაციის წესის დარღვევას
გულისხმობს, რამაც გამოიწვია ადამიანის სიცოცხლის მოსპობა.
მასალის გამოყენების პირობები