გურჯაანში, კურორტ "ახტალის“ მიმდებარე ტერიტორიაზე ავტოსაგზაო შემთხვევა მოხდა. თვითმხილველების ინფორმაციით, ორ მცირეწლოვანს „ოპელის“ მარკის ავტომანქანა იმ დროს დაეჯახა, როდესაც გზის გადაკვეთას ცდილობდნენ.
ორივე მოზარდი სასწრაფო-სამედიცინო დახმარების ბრიგადამ საავადმყოფოში გადაიყვანა. როგორც speqtri.ge-ს გურჯაანის ჯეოჰოსპიტალსის ჰოსპიტალური დეპარტამენტის ხელმძღვანელმა რამაზ თევზაძემ განუცხადა, მათ სიცოცხლისთვის საშიში დაზიანებები არ აღენიშნებათ და სტანდარტული გამოკვლევა უტარდებათ.

შინაგან საქმეთა სამინისტროს ინფორამციით, საქმე სისხლის სამართლის კოდექსის 276-ე მუხლის პირველი ნაწილით აღიძრა, რაც ტრანსპორტის მძარობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.