ავარიის შედეგად თელავი-გურჯაანის დამაკავშირებელ გზაზე ოთხი ახალგაზრდა დაშავდა
თელავი- გურჯაანის დამაკავშირებელ ცენტრალურ მაგისტრალზე BMW – ს მარკის ავტომობილი გზის სავალი
ნაწილიდან გადავიდა და რამდენჯერმე ამოტრიალდა.
ავტოსაგზაო შემთხვევის შედეგად ოთხი ადამიანი დაშავდა. დაშავებულები
სასწრაფო – სამედიცინო დახმარების ბრიგადამ თელავის საავადმყოფოში
გადაიყვანა.
,,ჩვენთან ოთხი ახალგაზრდაა შემოყვანილი, სამი ქალი და ერთი მამაკაცი.
რაიმე სერიოზული ტრავმა არ აღენიშნებათ თუმცა პირველადი დახმარება
გაეწიათ და მიმდინარეობს დაკვირვება.," - აღნიშნა თელავის რეფერალური
საავადმყოფოს მენეჯერმა, ხათუნა ჭონიაშვილმა.
შემთხვევის გამო, ცენტრალურ მაგისტრალზე დროებით შეფერხებული იყო
მოძრაობა.
მომხდარზე გამოძიება სისხლის სამართლის კოდექსის 276 – ე მუხლით
მიმდინარეობს.
მასალის გამოყენების პირობები