არხილოსკალოში უახლოეს მომავალში საზოგადოებრივი ცენტრი გაიხსნება, სადაც ქედების ზონის მოქალაქეებისთვის  ორასზე მეტი საჯარო და კერძო სექტორის სერვისი იქნება ხელმისაწვდომი.


დედოფლისწყაროს მუნიციპალიტეტის გამგებელმა ბატონმა ნიკოლოზ ჯანიაშვილმა ინფრასტრუქტურის სამსახურის უფროსთან - დავით ფხოველიშვილთან, სახელმწიფოს სერვისების განვითარების ცენტრის თანამშრომლებთან - მარიამ ძაგნიძესა და პაატა გამბარაშვილთან ერთად მშენებლობის პროცესი მოინახულა. გამგებელმა კმაყოფილება გამოთქვა, რომ დედოფლისწყაროს მუნიციპალიტეტს კიდევ ერთი ახალი მნიშვნელოვანი ობიექტი შეემატება და ექვსი სოფლის მოსახლეობას საშუალება ექნება სწრაფი და ეფექტური მომსახურების მიღებისა, რაც გააუმჯობესებს მათ ყოველდღიურობას.