გურჯაანის მუნიციპალიტეტში „სოფლის მხარდაჭერის პროგრამით“ გათვალისწინებული სამუშაოები დასრულდა.

როგორც გურჯაანის მუნიციპალიტეტის გამგებლის მოადგილემ დიმიტრი კალატოზიშვილმა განაცხადა, პრიორიტეტები მოსახლეობამ თვითონ განსაზღვრა.
„პრიორიტეტები სოფლის კრებებზე თვითონ მოსახლეობამ შეარჩია. ძირითადად გაკეთდა საბავშვო ბაღები, გარე განათება, მოხდა წყლის მაგისტრალების რეაბილიტაცია, ზოგიერთ სოფელში მოეწყო სკვერი და ა.შ. “
მისივე თქმით, სამუშაოებზე სულ ცხრაას ოთხმოცდაათი ათასი ლარი დაიხარჯა.