საქართველოს მუნიციპალური განვითარების ფონდთან გაფორმებული ხელშეკრულების თანახმად, თელავის მუნიციპალიტეტის გამგეობას ნაგვის ურნები გადაეცა.
103 ცალი ნაგვის ბუნკერი შ.პ.ს. “ინფრასტრუქტურის და კეთილმოწყობის სამსახურმა” შემდეგ სოფლებში განათავსა : ნაფარეული, სანიორე, ართანა, ჯუღაანი, ლაფანყური, ფშაველი, ლეჩური და ლალისყური.

შ.პ.ს. “ინფრასტრუქტურის და კეთილმოწყობის სამსახური“-ს დირექტორის დავით მეგუთნიშვილის განცხადებით,  ნაგავთან დაკავშირებული პრობლემების მოგვარება  მუნიციპალიტეტის გამგეობამ ჯერ კიდევ 2015 წელს დაიწყო. მაშინ სტიქიური ნაგავსაყრელები გასუფთავდა და სოფლებში 344 ცალი ნაგვის ურნა განთავსდა.