მაღალმთიანი დასახლებების ნუსხას 37 სოფელი დაემატება და მომავალი
წლიდან შესაბამისი სოციალური შეღავათებით კიდევ 7000-მდე მოსახლე
ისარგებლებს.
საქართველოს მთავრობის ადმინისტრაციის ინფორმაციით, აღნიშნული
სოფლებისთვის მთიანი დასახლების სტატუსის მინიჭების შუამდგომლობა მთის
განვითარების ეროვნულმა საბჭომ მოიწონა.
შეხვედრაზე აღინიშნა, რომ დღეის მდგომარეობით საქართველოს 3700
დასახლებიდან, მაღალმთიანი დასახლების სტატუსი მინიჭებული აქვს 1678
დასახლებას, დაახლოებით 45%-ს.
„მაღალმთიანი რეგიონების განვითარების შესახებ" საქართველოს კანონის
მიხედვით, მაღალმთიან დასახლების სტატუსი ენიჭება დასახლებას, რომელიც
ზღვის დონიდან 1500 მეტრის სიმაღლეზე ან მის ზევით მდებარეობს.
მაღალმთიანი დასახლების სტატუსი ასევე ენიჭებათ საქართველოს
ისტორიულ-გეოგრაფიულ მხარეებში შემავალ დასახლებებს მათი
ჰიფსომეტრიული სიმაღლის მიუხედავად.
მთის განვითარების ეროვნული საბჭოს მორიგ სხდომაზე მიღებული
გადაწყვეტილებები დასამტკიცებლად საქართველოს მთავრობის სხდომას
წარედგინება.
მასალის გამოყენების პირობები