სექტემბრის შუა რიცხვებიდან გურჯაანის სპორტკომპლექსში ცურვის
სპორტული ჯგუფი გაიხსნება. როგორც ჩვენთან დირექტორმა არჩილ
გოგიაშვილმა განაცხადა, კვალიფიციურმა ტრენერმა ბავშვების შერჩევა
უკვე დაიწყო.
„თბილისიდან კვალიფიციური ტრენერი მოვიწვიეთ, რომელიც 7-დან 10 წლამდე
მოცურავეებს შეარჩევს და ცურვის ოთხივე სახეობას: ბატერფლაის, ბრასს,
კროლს და დელფინს შეასწავლის. მსურველი ბევრია, მაგრამ მათ ტრენერი
პროფესიული თვალით არჩევს. ამჟამად დაახლოებით 30- მდე ბავშვია.
გადასახადი თვეში სამოცი ლარი იქნება და ვარჯიში ყოველდღე
ჩატარდება.“
მისივე თქმით, სპორტული ჯგუფი რომელიც 15 სექტემბრიდან დაიწყებს
ფუნქციონირებას, სამომავლოდ სხვადასხვა შეჯიბრსა და ტურნირში მიიღებს
მონაწილეობას.
მასალის გამოყენების პირობები