საზოგადოება
„საუკუნის ნათლობა“ ჭერემში
10 სექტემბერს გურჯაანის მუნიციპალიტეტის სოფელ ჭერემში, რამდენიმე ათეული წლის შემდეგ, პირველი ნათლობა გაიმართა. წმინდა გიორგის სახელობის ეკლესიაში პატარა დაჩი ბარბაქაძე მონათლეს.

როგორც მშობლები ამბობენ, გადაწყვეტილება სიმბოლურ ხასიათს ატარებდა.
-„პაპა წარმოშობით ჭერემიდან იყო. მინდოდა, ჩვენი შვილიც ამ მამაპაპისეულ სოფელში მონათლულიყო, იქ, სადაც ჩვენი საგვარეულო ფესვებია. ვიცოდით, რომ ჭერემში ნათლობები არ იმართებოდა, ამიტომ ვკითხეთ მამა ილიას, რამდენად შესაძლებელი იყო ცერემონიის იქ ჩატარება. მას უარი არ უთქვამს და დაჩი სწორედ, ჭერემში, წმ გიორგის სახელობის ეკლესიაში გაქრისტიანდა. მინდა ამისთვის დიდი მადლობა გადავუხადო მამა ილიას.“- ამბობს გურჯაანში მცხოვრები ლევან ბარბაქაძე.

გურჯაანის სამების საკათედრო ტაძრის წინამძღვრის მამა ილიას თქმით, ზუსტად არავინ იცის როდის შეწყდა სოფელში მღვდელმსახურება, მაგრამ მიაჩნია, რომ ასეთი ხანგრძლივი პაუზის შემდეგ ნათლობის ფაქტი მეტად მნიშვნელოვანი იყო.
-„ჩემი ვარაუდია, რომ თითქმის საუკუნეზე მეტია, სოფელში ნათლობა არ ჩატარებულა, ამიტომ ეს ფაქტი სასიხარულო იყო. სიმბოლურია, რომ ჭერემში დაჩი მოინათლა. სურვილი მაქვს, იქ არამარტო ნათლობები, არამედ ჯვრისწერებიც გაიმართოს, სოფელი გამოცოცხლდეს და ხალხმა მეტი სარგებელი ნახოს იმ რესურსებისგან, რაც ჭერემს გააჩნია. “

უკვე მეორე წელია, მამა ილია, თავისი კეთილი ნებით, წირვა-ლოცვას აღავლენს სოფელ ჭერემში, სადაც საკუთარ კერას მხოლოდ 20 კომლიღა შემორჩა. მისი სურვილია, ხალხი მშობლიურ მიწა-წყალს დაუბრუნდეს.

ჭერემი, რომელიც ზღვის დონიდან 1000 მეტრზე მდებარეობს, მეფე ვახტანგ გორგასალმა V საუკუნის მეორე ნახევარში დააარსა და ტახტის მემკვიდრეს, დაჩის უბოძა. ჭერემი კახეთის პოლიტიკური და რელიგიური ცენტრი იყო, რასაც ხელი შეუწყო მისმა ხელსაყრელმა გეოგრაფიულმა მდებარეობამ. ჭერემზე გადიოდა შიდა და გარე კახეთის დამაკავშირებელი უმოკლესი გზა (ველისციხე-ჭერემი-ჩაილური). იქ არაერთი ისტორიული ძეგლია, მათ შორის ვახტანგ გორგასლის სასახლე, რომელიც 1984-1985 წლებშია აღმოჩენილი. ასევე, ღვთისმშობლის სახელობის საეპისკოპოსო ტაძარი (X-Iსს), ეპისკოპოსის სასახლე (VIII-IXსს.), წვეროდაბლის თელეთის წმინდა გიორგის სახელობის (V), წმინდა ბარბარეს (V) და მამადავითის ეკლესიები (V).

Print E-mail
FaceBook Twitter Google
ამავე კატეგორიაში
გურჯაანის მუნიციპალიტეტის მერიაში ფუნქციონირება დაიწყო
გურჯაანის მუნიციპალიტეტის მერიაში ფუნქციონირება დაიწყო " ქალთა ოთახმა“, რომელიც მოქალაქეებს საინფორმაციო-საკონსულტაციო მომსახურებას, თავისუფალ, ღია სივრცეს სთავაზობს დასვენებისა და სოციალური აქტივობებისთვის.
18:12 / 25.05.2018
გურჯაანის მუნიციპალიტეტში ავტომობილების სიჩქარე სპეციალური
რადარებით გაკონტროლდება. ამისათვის მერია დამატებით კიდევ 68
სისწრაფის განმსაზღვრელს შეიძენს.
გურჯაანის მუნიციპალიტეტში ავტომობილების სიჩქარე სპეციალური რადარებით გაკონტროლდება. ამისათვის მერია დამატებით კიდევ 68 სისწრაფის განმსაზღვრელს შეიძენს.
16:43 / 25.05.2018
საქართველოს მთავრობამ  შინაგან საქმეთა სამინისტროს მიერ
ოჯახური დანაშაულის, ოჯახში ძალადობისა და ქალთა მიმართ ძალადობის
შესახებ
მომზადებული კანონპროექტი დაამტკიცა.
საქართველოს მთავრობამ  შინაგან საქმეთა სამინისტროს მიერ ოჯახური დანაშაულის, ოჯახში ძალადობისა და ქალთა მიმართ ძალადობის შესახებ
მომზადებული კანონპროექტი დაამტკიცა.
14:56 / 25.05.2018
გერმანიიდან მოწვეულმა ექსპერტმა, პეტერ შულცემ რაიონის
ღირსშესანიშნაობების დათვალიერების შემდეგ გურჯაანში ტურიზმის
განვითარების 20 პუნქტიანი გეგმა და ანალიზი გააკეთა.
გერმანიიდან მოწვეულმა ექსპერტმა, პეტერ შულცემ რაიონის ღირსშესანიშნაობების დათვალიერების შემდეგ გურჯაანში ტურიზმის განვითარების 20 პუნქტიანი გეგმა და ანალიზი გააკეთა.
14:37 / 25.05.2018
გურჯაანის მუნიციპალიტეტის სოფელ ველისციხესთან მომხდარი ავტოსაგზაო
შემთხვევის შედეგად დაშავებული 26 წლის ბიჭის მდგომარეობა სტაბილურად
მძიმე რჩება.
გურჯაანის მუნიციპალიტეტის სოფელ ველისციხესთან მომხდარი ავტოსაგზაო შემთხვევის შედეგად დაშავებული 26 წლის ბიჭის მდგომარეობა სტაბილურად მძიმე რჩება.
11:48 / 25.05.2018
სხვა ამბები
მეთორმეტე კლასის გამოცდები დასრულდა. გურჯაანის საგანმანათლებლო რესურსცენტრის ინფორმაციით, წელს მუნიციპალიტეტში გამოცდებზე 486 მოქმედი მეთორმეტე კლასელი და 150 სკოლიდან გასული ბავშვი იყო დარეგისტრირებული.
15:47 / 24-05-2018
სასკოლო სპარტაკიადის ფარგლებში, მაგიდის ჩოგბურთში ფინალური ტურნირი გაიმართა. მასში მონაწილეობას გურჯაანის მეოთხე და მეორე საჯარო სკოლის გუნდები იღებდნენ.
16:03 / 23-05-2018
რამდენიმე დღის წინ თბილისში გამართულ კიკბოქსინგის საერთაშორისო ორთაბრძოლაში, გურჯაანელმა სპორტსმენებმა სამი პირველი და ერთი მეორე ადგილი აიღეს.
13:06 / 16-05-2018
განათლებისა და მეცნიერების სამინისტრომ შეიმუშავა სამოქმედო გეგმა „12 ნაბიჯი ხარისხიანი განათლებისკენ“, რომლის მიხედვითაც, სოფლის სკოლები საგანმანათლებლო-კულტურულ ცენტრებად გარდაიქმნება.
12:49 / 14-05-2018
23-24-25 მაისს,  სიღნაღის თეატრში, საქართველოს დამოუკიდებლობის აღდგენის 100 წლის იუბილის კვირეულის ფარგლებში, "საბავშვო თეატრალური ფესტივალი ქიზიყი-2018“ გაიმართება.
11:50 / 14-05-2018
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.