ევროკავშირში უვიზოდ ყოფნის ვადა სავარაუდოდ 9875-მა მოქალაქემ დაარღვია
28 მარტიდან 20 ოქტომბრამდე პერიოდში ევროკავშირის შენგენის ზონაში
უვიზო მიმოსვლით საქართველოს 161 885-მა მოქალაქემ ისარგებლა.
აქედან უვიზოდ მიმოსვლისთვის გათვალისწინებული 90-დღიანი ვადა,
სავარაუდოდ, 9875-მა მოქალაქემ დაარღვია.როგორც ინტერპრესნიუსის მიერ
ევროპულ და ევროატლანტიკურ სტრუქტურებში ინტეგრაციის საკითხებში
სახელმწიფო მინიტრის აპარატიდან გამოთხოვილი ინფორმაციით ირკვევა,
სტატისტიკურად სავარაუდო დამრღვევთა რაოდენობა 6,1%-ს მოიცავს.
საქართველოს ოფიციალური უწყებებისთვის უცნობია, 9875 მოქალაქიდან
რამდენი დარჩა შენგენის ზონაში და რამდენი გადავიდა მესამე ქვეყანაში
უვიზო რეჟიმის წესების დაცვით. მონაცემები მოიცავს უვიზო რეჟიმის
ამოქმედებიდან - 2017 წლის 28 მარტიდან 2017 წლის 20 ოქტომბრამდე
პერიოდს.
მასალის გამოყენების პირობები