საზოგადოება
რას მოიცავს მიწის რეგისტრაციის რეფორმა- ინტერვიუ საჯარო რეესტრის ეროვნული სააგენტოს თავმჯდომარესთან
მიწის რეგისტრაციის სახელმწიფო რეფორმა 2016 წლის პირველ აგვისტოს დაიწყო და 19 ნოემბრის დილის მონაცემებით დაახლეობით 307 000-ზე მეტი საკუთრების უფლება დარეგისტრირდა. აღნიშნული ციფრი კი ყოველდღე მატულობს.
აღნიშნული რეფორმა ჯერ საქართველოს მთავრობამ მოიწონა, შემდეგ კი პარლამენტმა კანონის სახით დაამტკიცა.

ვის ეხება რეფორმა, როგორია მოქალაქეების ჩართულობა და რას აფინანსებს სახელმწიფო - ამ და სხვა საკითხებზე speqtri.ge-ს საჯარო რეესტრის ეროვნული სააგენტოს თავმჯდომარე პაპუნა უგრეხელიძე ესაუბრა.

-ბატონო პაპუნა, რა იყო ამ რეფორმის მიზანი?

- ამ რეფორმის მიზანი იყო მაქსიმალურად გაგვეზარდა რეგისტრირებული სასოფო-სამეურნეო დანიშნულების მიწების რაოდენობა, ვიანიდან იმ პერიოდისთვის მხოლოდ 25-30% იყო რეგისტრირებული საჯარო რეესტრის ეროვნულ სააგენტოში. მიზნის მისაღწევად შევეცადეთ მოქალაქეებისთვის მოგვეხსნა ყველა ბიუროკრატიული, ფინანსური და სამართლებრივი ბარიერები, წაგვეხალისებინა რეგისტრაციის პროცესი. გავხდით პროაქტიული სააგენტო და ერთი სარკმლის პრინციპით დავიწყეთ მუშაობა. საჭიროა, მხოლოდ მოქალაქის მხრიდან მომართვა, ამის შემდეგ ჩვენი სააგენტო როგორც მოქალაქის ადვოკატი, იწყებს ყველა იმ პროცედურას, რომელსაც ადმინისტრაციული წარმოება ითვალისწინებს. ჩვენ მივმართავთ მუნიციპალიტეტებს, ეროვნულ არქივს, შემოსავლების სამსახურს, იმისთვის, რომ მოვიპოვოთ ყველა საჭირო დოკუმენტი და დავარეგისტრიროთ მოქალაქის საკუთრების უფლება.


-როგორია მოქალაქეების ჩართულობა და რამდენად წარმატებულად მიმდინარეობს რეფორმა?

-ციფრები ალბათ ყველაზე ზუსტი მაჩვენებელია იმის შესაფასებლად, თუ რამდენად კარგად დაიგეგმა რეფორმა და როგორ მიმდინარეობს. საჯარო რეესტრისადმი მიმართვიანობა დაახლეობთ 5-ჯერ არის გაზრდილი. თუ მიწის რეგისტრაციის მოთხოვნით, ყოველდღურად 500 მოქალაქე მოგვმართავდა, დღეისათვის ეს ციფრი 2700-3000-ს შეადგენს. დადებითი გადაწყვეტილებებიც 300-400%-ით არის გაზრდილი. მანამდე თუ ყოველდღიურად 400 განაცხადი რეგისტრირდებოდა, დღეს ეს რიცხვი1300-1400-ია.
წელიწადსა და ორ თვეში 307 000 რეგისტრირებული უფლება, ვფიქრობ, შთამბეჭდავი მონაცემია და ეს ციფრი თავისთავად ლაპარაკობს რეფორმის წარმატებულობაზე.

-როგორც ცნობილია, პროექტის ფარგლებში ყველა სერვისს აფინანსებს სახელმწიფო, ეხება თუ არა ეს მიწის აზომვით ნახაზებსაც?

-როდესაც რეფორმას ვიწყებდით, გავაანალიზეთ პრობლემები და ისე წარვმართეთ საქმიანობა. აზომვითი ნახაზები ერთ-ერთი მნიშვნელოვანი ბარიერი იყო ჩვენი მოქალაქეებისთვის. დაახლოებით 300-500 ლარის გადახდა დიდ ტვირთად იქცა, რის გამოც, ხშირ შემთხვევაში, უარს ამბობდნენ რეგისტრაციაზე. სახელმწიფომ გადაწყვიტა, განეხორციელებინა სუბსიდირება. ამზომველები კერძო სექტორს წარმოადგენენ.
თუკი მოქალაქე ხელს მოაწერს მორიგების აქტს, ანუ სამართლებრივ დოკუმენტს, მას შემდეგ, რაც საკუთრების უფლება დარეგისტრირდება საჯარო რეესტრში, აზომვითი ნახაზების საფასური ანაზღაურდება სახელმწიფოს მიერ. მოქალაქე კერძო ამზომველთან აფორმებს მორიგების ფორმას, რომელიც ეკონომიკის სამინისტროში გადაიგზავნება, შემდეგ კი საფასური ანაზღაურდება. დღეისათვის დაფინანსებული 167 000-ზე მეტი ნახაზია.

-საქართველოს მასშტაბით 12 სოფელში მიწის სისტემური რეგისტრაციის საპილოტე პროექტი ხორციელდება. მათ შორისაა კახეთის მასთაბით ოთხი სოფელი. უფრო კონკრეტულად რომ გვითხრათ რას გულისხმობს მიწის სისტემური რეგისტრაცია და რით განსხვავდება ის ზემოთ აღნიშული რეფორმისგან?

-რეფორმის მეორე მიმართულებაა სისტემური რეგისტრაცია. ამ დროს საჯარო რეესტრის ეროვნული სააგენტო საკუთარი ინიციატივით გარკვეულ არეალში აღრიცხავს, აზომავს, მოამზადებს დოკუმენტაციას და დაარეგისტრირებს საკუთრების უფლებას, როგორც კერძო მესაკუთრეებისთვის, ასევე სახელმწიფოსა და მუნიციპალიტეტისთვის.
სოფელ ჯიმითსა და მზისგულში ჩვენივე ძალებითა და მსოფლიო ბანკის მხარდაჭერით უკვე დავასრულეთ საველე სამუშაოები. საჯარო ადგილას გამოკრულია ეს შედეგი იმისთვის, რომ მოქალაქეები თავად გაეცნონ რამდენად სწორია ის სურათი, რომელიც ჩვენმა სააგენტომ გააკეთა. როდესაც ისინი დარწმუნდებიან, რომ ყველაფერი სწორეა, ამის შემდეგ მოხდება საკუთრების უფლების რეგისტრაცია. ველოდებით, რომ ახალ წლამდე მზისგულსა და ჯიმითში ყველა საკუთრების უფლება უკვე რეგისტრირებული იქნება. ამის მერე გადავალთ არხილოსკალოსა და არბოშიკში, სადაც სამ თვეში მივიღებთ შედეგს. ეს არის საპილოტე პროექტი, რომელმაც უნდა მოგვცეს სურათი, რამდენად სწორეა ჩვენი მუშაობის მეთოდოლოგია.

P.S. ცნობისთვის, მიწის რეგისტრაციის სახელმწიფო რეფორმა 2018 წლის პირველ ივლისამდე გაგრძელდება. მოქალაქეებს შეუძლიათ მიმართონ საჯარო რეესტრის ფილიალებს, იუსტიციის სახლებსა და საზოგადოებრივ ცენტრებს.

Print E-mail
FaceBook Twitter Google
ამავე კატეგორიაში
მნიშვნელოვნად გამოხატული შეზღუდული შესაძლებლობის მქონე 75 000-ზე
მეტი პირი (II ჯგუფი) 2019 წლის პირველი იანვრიდან გაზრდილ სოციალურ
პაკეტს მიიღებს.
მნიშვნელოვნად გამოხატული შეზღუდული შესაძლებლობის მქონე 75 000-ზე მეტი პირი (II ჯგუფი) 2019 წლის პირველი იანვრიდან გაზრდილ სოციალურ პაკეტს მიიღებს.
17:42 / 12.11.2018
გარემოს ეროვნული სააგენტოს ინფორმაციით, 12-15 ნოემბერს საქართველოში
მოსალოდნელია დროგამოშვებით ნალექიანი ამინდი.
გარემოს ეროვნული სააგენტოს ინფორმაციით, 12-15 ნოემბერს საქართველოში მოსალოდნელია დროგამოშვებით ნალექიანი ამინდი.
14:17 / 12.11.2018
არჩევნების მეორე ტურისთვის გურჯაანის მუნიციპალიტეტში ისევ 51
საარჩევნო უბანი გაიხსნება.
არჩევნების მეორე ტურისთვის გურჯაანის მუნიციპალიტეტში ისევ 51 საარჩევნო უბანი გაიხსნება.
11:05 / 10.11.2018
გურჯაანის მუნიციპალიტეტის საბავშვო ბაგა-ბაღებში სანიტარულ-ჰიგიენური
ნორმების, უსაფრთხოების, დასაქმებული პერსონალის შრომის დისციპლინისა
და კვების ორგანიზაციული წესების შესწავლა მიმდინარეობს.
გურჯაანის მუნიციპალიტეტის საბავშვო ბაგა-ბაღებში სანიტარულ-ჰიგიენური ნორმების, უსაფრთხოების, დასაქმებული პერსონალის შრომის დისციპლინისა და კვების ორგანიზაციული წესების შესწავლა მიმდინარეობს.
15:14 / 09.11.2018
11 ნოემბრიდან „ქართული ოცნების“ მხარდამჭერები მოძრაობის „მე ვიცავ
თავისუფლებას“ ორგანიზებით, საქართველოს ყველა რეგიონში აქციებს
დაიწყებენ.
11 ნოემბრიდან „ქართული ოცნების“ მხარდამჭერები მოძრაობის „მე ვიცავ თავისუფლებას“ ორგანიზებით, საქართველოს ყველა რეგიონში აქციებს დაიწყებენ.
14:48 / 09.11.2018
სხვა ამბები
თბილისში გამართულ კიკბოქსინგის საერთაშორისო ტურნირზე, გურჯაანელმა სპორტსმენებმა ექვსი პირველი და ერთი მეორე ადგილი აიღეს.
17:22 / 13-11-2018
ორგანიზაციის მიზანია, ძუძუს კიბოს დიაგნოზით ნაოპერაციები ქალბატონების, ფიზიკური და ფსიქოლოგიური მხარდაჭერა.
15:55 / 13-11-2018
პრეზიდენტობის დამოუკიდებელი კანდიდატი სალომე ზურაბიშვილი არასამთავრობო და საერთაშორისო დამკვირვებელი ორგანიზაციების წარმომადგენლებს შეხვდა. შეხვედრის თემა ეხებოდა მისსა და მისი ოჯახის წევრების მიმართ განხორციელებულ მუქარას.
12:56 / 13-11-2018
სალომე ზურაბიშვილის განცხადება: ბოლო დღეებში - კერძოდ 09,10 და 11 ნოემბერს - განხორციელდა ჩემი შვილების- თეიმურაზის და ქეთევანის - და პირადად ჩემს მიმართ სმს და ხმოვანი შეტყობინებები, სადაც ნათლადაა გამოთქმულია სიცოცხლის მოსპობის მუქარა.
14:06 / 12-11-2018
მე ვარ საგარეო საქმეთა მინისტრი, რომელმაც დააარსა დიპლომატიის დღე, რითაც ძალიან ვამაყობ.
10:12 / 10-11-2018
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი
«« ნოემბერი 2018 »»
293031 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 12

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.