საზოგადოება
სათადარიგო გასასვლელები ჩახერგილია, ცეცხლმაქრები არასაკმარისია - დარღვევები სკოლებსა და ბაღებში სახანძრო უსაფრთხოების მხრივ
2017 წლის ბოლომდე კახეთის რეგიონში სახანძრო უსაფრთხოების ნორმების დაცვის თვალსაზრისით, 1200 ობიექტის შემოწმებაა დაგეგმილი.

როგორც შინაგან საქმეთა სამინისტროს საგანგებო სიტუაციების მართვის სააგენტოს პრესსამსახურში განაცხადეს, ამ დროისთვის ობიექტების უმრავლესობა უკვე შემოწმდა და გარკვეული დარღვევებიც გამოიკვეთა.
„სახანძრო-უსაფრთხოების ნორმების ზედამხედველობას დაქვემდებარებულ შენობა -ნაგებობებში, ძირითადად,არ არის თვალსაჩინო ადგილზე განთავსებული საევაკუაციო გეგმები, სათადარიგო გასასვლელები ჩახერგილია,შენობებში არ არის საკმარისი რაოდენობის ცეცხლმაქრი სისტემები და საშუალებები და ა.შ. რეკომენდაციები, ბუნებრივია, ინდივიდუალურია. დეტალური სახანძრო-ტექნიკური შემოწმების დროს აღმოჩენილი დარღვევების შემთხვევაში, ხდება სათანადო სარეკომენდაციო წერილის შედგენა და მათ მფლობელებს ეძლევათ გონივრული ვადა - არსებული ხარვეზების გამოსწორების მიზნით. ამ ვადის გასვლის შემდეგ, ხორციელდება საკონტროლო განმეორებითი საზედამხედველო შემოწმება. მიწერილობაში დაფიქსირებული დარღვევების კვლავ არსებობის შემთხვევაში, დაწესებულებას ეკისრება ადმინისტრაციული ჯარიმა. კახეთში, ზედამხედველობის ორგანიზების განყოფილების თანამშრომლების მიერ, გაფრთხილება მიღებული აქვს, დაახლოებით, 1000 ობიექტის მფლობელს - შენობაში სახანძრო - უსაფრთხოების ნორმების არასათანადოდ დაცვისთვის.“

spetri.ge დაინტერესდა, როგორია კონკრეტულად ისეთი სტრატეგული ობიექტების უსაფრთხოების მდგომარეობა როგორებიცაა სკოლები და ბაღები. ამ მიზნით თელავის საგანმანათლებლო რესურსცენტრს და სკოლამდელი სააღმზრდელო გაერთიანების ხელმძღვანელებს დავუკავშირდით. რესურსცენტრის დირექტორის ლევან მრელაშვილის განმარტებით, სახანძრო სამაშველო სამსახურის მიერ საჯარო სკოლები გასულ თვეს შემოწმდა და ამჯერად შესაბამის მითითებებს ელოდებიან.
„ სკოლები სახანძრო ინსპექციამ შეამოწმა. კონკრეტულად როდის, არ ვიცით. სკოლები საჯარო სამართლის იურიდიული პირები არიან და თვითონ ალაგებენ მათთან ურთიერთობებს. მონიტორინგს წელიწადში ორ-სამჯერ ვატარებთ და მაშინ ხდება სახანძრო უსაფრთხოების ნორმების შესწავლაც. ცეცხლმაქრები და საევაკუაციო გეგმა ყველა სკოლაშია. რაც შეეხება სახანძრო კიბეებს, ზოგს აქვს და ზოგს -არა. სათადარიგო გასასვლელები თითქმის ყველგან არის. ცეცხლმაქრები გასულ წელს ძალიან ბევრმა სკოლამ შეიძინა. ამას წინათ გვქონდა შეხვედრა და კიდევ ერთხელ გავამახვილეთ ყურადღება იმაზე, რომ მოიწვიონ სახანძროდან კომპეტენტური პირები, რომლებიც ჩაუტარებენ ინსტრუქტაჟს, როგორც მოსწავლეებს, ისე პედაგოგებს.“

თითმმართველი ქალაქი თელავის ბაგა-ბაღების გაერთიანების დირექტორის თინიკო ხანჯალიაშვილის განცხადებით, მითითებებს რომლებიც შესაბამისი უწყებიდან მიიღეს, წერილობით წარუდგენენ მუნიციპალიტეტს, რათა სათანადო დაფინანსება მიიღონ.
„ რამდნიმე ბაღში სათადარიგო კიბეებია მოსაწყობი, ზოგან გასამაგრებელია და გასათავისუფლებელი. საევაკუაციო გეგმა ყველა ბაღშია, რამდენიმეგან გვქონდა ცეცხლმაქრების შეძენაზე მითითება. ამისთვის თანხები დაგვჭირდება მუნიციპალიტეტისგან, რასაც წარვუდგენთ შესაბამისად, წერილობით ფორმატში. “

ანალოგიური მდგომარეობაა თელავის მუნიციპალიტეტის სოფლების ბაგა-ბაღებშიც. გაერთიანების დირექტორის გიორგი კოჭლოშვილის თქმით, შემოწმება გასულ თვეს განხორციელდა. სერიოზული დარღვევები არ ყოფილა და ამჟამად მითითებებს ელოდებიან.


Print E-mail
FaceBook Twitter Google
ამავე კატეგორიაში
მნიშვნელოვნად გამოხატული შეზღუდული შესაძლებლობის მქონე 75 000-ზე
მეტი პირი (II ჯგუფი) 2019 წლის პირველი იანვრიდან გაზრდილ სოციალურ
პაკეტს მიიღებს.
მნიშვნელოვნად გამოხატული შეზღუდული შესაძლებლობის მქონე 75 000-ზე მეტი პირი (II ჯგუფი) 2019 წლის პირველი იანვრიდან გაზრდილ სოციალურ პაკეტს მიიღებს.
17:42 / 12.11.2018
გარემოს ეროვნული სააგენტოს ინფორმაციით, 12-15 ნოემბერს საქართველოში
მოსალოდნელია დროგამოშვებით ნალექიანი ამინდი.
გარემოს ეროვნული სააგენტოს ინფორმაციით, 12-15 ნოემბერს საქართველოში მოსალოდნელია დროგამოშვებით ნალექიანი ამინდი.
14:17 / 12.11.2018
არჩევნების მეორე ტურისთვის გურჯაანის მუნიციპალიტეტში ისევ 51
საარჩევნო უბანი გაიხსნება.
არჩევნების მეორე ტურისთვის გურჯაანის მუნიციპალიტეტში ისევ 51 საარჩევნო უბანი გაიხსნება.
11:05 / 10.11.2018
გურჯაანის მუნიციპალიტეტის საბავშვო ბაგა-ბაღებში სანიტარულ-ჰიგიენური
ნორმების, უსაფრთხოების, დასაქმებული პერსონალის შრომის დისციპლინისა
და კვების ორგანიზაციული წესების შესწავლა მიმდინარეობს.
გურჯაანის მუნიციპალიტეტის საბავშვო ბაგა-ბაღებში სანიტარულ-ჰიგიენური ნორმების, უსაფრთხოების, დასაქმებული პერსონალის შრომის დისციპლინისა და კვების ორგანიზაციული წესების შესწავლა მიმდინარეობს.
15:14 / 09.11.2018
11 ნოემბრიდან „ქართული ოცნების“ მხარდამჭერები მოძრაობის „მე ვიცავ
თავისუფლებას“ ორგანიზებით, საქართველოს ყველა რეგიონში აქციებს
დაიწყებენ.
11 ნოემბრიდან „ქართული ოცნების“ მხარდამჭერები მოძრაობის „მე ვიცავ თავისუფლებას“ ორგანიზებით, საქართველოს ყველა რეგიონში აქციებს დაიწყებენ.
14:48 / 09.11.2018
სხვა ამბები
თბილისში გამართულ კიკბოქსინგის საერთაშორისო ტურნირზე, გურჯაანელმა სპორტსმენებმა ექვსი პირველი და ერთი მეორე ადგილი აიღეს.
17:22 / 13-11-2018
ორგანიზაციის მიზანია, ძუძუს კიბოს დიაგნოზით ნაოპერაციები ქალბატონების, ფიზიკური და ფსიქოლოგიური მხარდაჭერა.
15:55 / 13-11-2018
პრეზიდენტობის დამოუკიდებელი კანდიდატი სალომე ზურაბიშვილი არასამთავრობო და საერთაშორისო დამკვირვებელი ორგანიზაციების წარმომადგენლებს შეხვდა. შეხვედრის თემა ეხებოდა მისსა და მისი ოჯახის წევრების მიმართ განხორციელებულ მუქარას.
12:56 / 13-11-2018
სალომე ზურაბიშვილის განცხადება: ბოლო დღეებში - კერძოდ 09,10 და 11 ნოემბერს - განხორციელდა ჩემი შვილების- თეიმურაზის და ქეთევანის - და პირადად ჩემს მიმართ სმს და ხმოვანი შეტყობინებები, სადაც ნათლადაა გამოთქმულია სიცოცხლის მოსპობის მუქარა.
14:06 / 12-11-2018
მე ვარ საგარეო საქმეთა მინისტრი, რომელმაც დააარსა დიპლომატიის დღე, რითაც ძალიან ვამაყობ.
10:12 / 10-11-2018
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი
«« ნოემბერი 2018 »»
293031 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 12

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.