კახეთში მომუშავე ადვოკატები, ადვოკატთა ასოციაციის თავმჯდომარის არჩევნებს გამოეხმაურნენ. მათი შეფასებით, აღნიშნულმა პროცესმა მშვიდ ვითარებაში ჩაიარა და მეორე ტურის აუცილებლობა არ არსებობს.
"სამწუხაროდ, ზოგიერთი ჩვენი კოლეგა ცდილობს სიტუაციის ისე წარმოჩენას, რომ არჩევნები დარღვევებით წარიმართა და საჭიროა მეორე ტურის გამართვა. ეს ბრალდებები უსაფუძვლოა და სიმართლეს არ შეესაბამება . ჩვენ მხარს ვუჭერთ დავით ასათიანს, რომელმაც გამარჯვება დიდი უპირატესობით და ჩვენი თანადგომით მოიპოვა" - განაცხადეს მათ.