გარემოს ეროვნული სააგენტოს ინფორმაციით, დღეს და ხვალ დასავლეთ საქართველოს უმეტეს და აღმოსავლეთ საქართველოს ზოგიერთ რაიონში შედარებით ცივი და ნალექიანი ამინდი შენარჩუნდება.

იქროლებს დასავლეთის მიმართულების ძლიერი ქარი. უწყების ინფორმაციით, 27 – 30 დეკემბერს ქვეყნის ტერიტორიის უმეტეს ნაწილზე მოსალოდნელია უმეტესად უნალექო ამინდი. ჰაერის ტემპერატურა დასავლეთ საქართველოს დაბლობში + 15, +20, ხოლო აღმოსავლეთ საქართველოს ბარში +11, +16 გრადუსამდე მოიმატებს. 31 დეკემბერს ზოგიერთ რაიონში გაწვიმდება, მაღალმთაში მოთოვს.