გარემოს ეროვნული სააგენტოს ინფორმაციით, დღეს საქართველოს ზოგიერთ
რაიონში ნალექიანი ამინდი შენარჩუნდება.
ჰაერის ტემპერატურა დასავლეთ საქართველოს დაბლობში +10, +15,
აღმოსავლეთ საქართველოს ბარში +8, +13 გრადუსი იქნება.
უწყების ინფორმაციით, ხვალ დასავლეთ საქართველოს რეგიონებზე შავი
ზღვის სამხრეთ – დასავლეთიდან მოსალოდნელია თბილი ჰაერის მასების
გავრცელება. ჰაერის ტემპერატურა +17, +22 გრადუსამდე მოიმატებს. ზემო
იმერეთსა და კოლხეთის დაბლობზე იქროლებს აღმოსავლეთის მიმართულების
ძლიერი ქარი.
აღმოსავლეთ საქართველოზე გავლენას მოახდენს კასპიის ზღვის ჩრდილო –
აღმოსავლეთიდან გავრცელებული შედარებით ცივი და ნოტიო ჰაერის მასები,
რის გამოც ქვეყნის აღმოსავლეთ ნაწილში ღრუბლიანი, ნისლიანი და
ნალექიანი ამინდია მოსალოდნელი. ჰაერის ტემპერატურა დღის საათებში
ბარში +5, +10 გრადუსამდე დაიკლებს.
თბილისში მოსალოდნელია შედარებით ცივი, ღრუბლიანი, ნისლიანი და
წვიმიანი ამინდი. ჰაერის ტემპერატურა დღის საათებში +7, +9 გრადუსის
ფარგლებში დაფიქსირდება.
მასალის გამოყენების პირობები